莆田 (美麗華廣場2期) (已結業)

今日就試吓米芝蓮推介嘅正宗福建菜呢間莆田係美麗華廣場二期，地方夠大，座位都舒服下午12:30去到，唔使等位，即時安排入座呢度平日既午餐會配三款小食我揀咗水晶豬蹄凍，鹽焗豬肝同滷水嫩豆腐水晶豬蹄凍嘅口感有啲似啫喱，但硬過啫喱，再配埋特製醬汁非常好味鹽焗豬肝我反而覺得麻麻，唔夠入味滷水嫩豆腐好多汁，豆腐吸啲滷水汁，咬落煙韌，有口感同非常入味同埋午餐都會配燉湯，每日燉湯都會唔同今日星期一，所以係玉米蘿蔔排骨燉湯飲得出老火湯嘅味道，亦唔會覺得佢加咗味精，同埋粟米特別鮮甜主食我嗌左紅姑海鮮滷麵佢嘅湯底係好濃郁麵質偏軟，同湯底好夾海鮮有蝦同蜆肉，肉質鮮甜雖然佢餐單上寫小份，其實我都覺得非常足夠，整體非常好味