金色不如帰 (H Zentre)

营业中

休息中

地鐵站一上泥就正對住，超級易搵，店舖都幾大唔會坐到好密，裝修暗暗地又靜，又有卡位好適合傾下計慢慢食。門口掛簾好有日本feel,一入泥就見到原來連續四年都米芝蓮，一定好食啦。店員非常有禮貌，介紹餐牌內容，亦有介紹主打係貝汁拉麵。枱上面仲有個牌教點樣品嘗個拉麵。我同朋友就一人一碗麵一個小食同飲品。貝汁醬油拉麵，煙燻黑椒豚骨拉麵，唐揚雞，鳥皮烏賊揚，白桃焙茶，巨峰梳打。 個貝汁拉麵真係無得輸，食得出好鮮，唔係湯包味，有小小黑松露醬但都無蓋過個蜆鮮味，醬油拉麵最怕就係太鹹好似飲豉油，但佢呢間個湯底做得岩岩好。炸雞就必點啦，圓碌碌有4粒啲粉唔會話好厚，仲有雞汁唔會好乾，食到有啲啲薑味，無雪味。豬骨拉麵無出面個啲甘奶白色，有小小黑椒味都幾特別。這鳥皮烏賊揚，其實就係炸雞皮墨魚滑，出邊好少見，墨魚滑好爽口，仲會跟個似蜜糖芥末醬既野唔會甘乾。白桃焙茶真係飲到焙茶味又飲到桃香味，得小小甜唔洗怕肥。巨峰梳打呢支經常係出面拉麵店見到，一定唔會伏。