影片
更多
2024-02-28
4894 浏览
夜上海價錢💲: $268 (+$20茶錢)好味程度😋: 3.7/5服務🍴: 4.4/5環境🗾: 4.4/5性價比🥢: /回頭率😚: 3.3/5-來到第二篇restaurant week的就係夜上海！呢間餐廳有米芝蓮一星的名銜，係k11musea入面有啲位置仲係望海架。餐廳裝潢走一個老上海的路線，音樂都係配合返呢個主題，加埋旋轉樓梯/ 大皮椅等盡顯年代感同氣派。星期六的午餐時段都幾滿座，可以睇得出佢有返咁上下知名度。-✅五小碟前菜。木耳同蒜香青瓜都普通。醉雞無骨只比胸位都唔會太鞋。鎮江小排骨入味。最好食係鴨蛋！食到煙燻味之餘鴨蛋黃味道特別香濃，質地好濃稠🤓-✅海鮮酸辣湯。酸辣湯味道濃郁，夠酸夠辣😛 入面料好多，例如蝦粒、豆乾、木耳等。同埋唔會太杰。-✅牛柳粒鍋巴卷。鍋巴係自家製，又脆又新鮮炸，甜甜地好香米香☺️老實說炒牛肉唔係好覺，但食得出係有肉粒同d菇粒咁，個鍋巴先係重點😉-✅稻草扎肉。原本以為係東玻肉咁，但佢冇左層厚厚的皮同肥膏，只留返啲肉同d筋膜的部份🥹 肉燉到軟晒，一入口幾乎可以即溶😌味道無東玻肉咁濃，醬汁比較似滷水咁，同時帶陣陣乾稻草的清香。-✅于戈菜花。切得好幼細的椰菜花，入口
價錢💲: $268 (+$20茶錢)
好味程度😋: 3.7/5
服務🍴: 4.4/5
環境🗾: 4.4/5
性價比🥢: /
回頭率😚: 3.3/5
-
來到第二篇restaurant week的就係夜上海！呢間餐廳有米芝蓮一星的名銜，係k11musea入面有啲位置仲係望海架。餐廳裝潢走一個老上海的路線，音樂都係配合返呢個主題，加埋旋轉樓梯/ 大皮椅等盡顯年代感同氣派。星期六的午餐時段都幾滿座，可以睇得出佢有返咁上下知名度。
-
✅五小碟前菜。木耳同蒜香青瓜都普通。醉雞無骨只比胸位都唔會太鞋。鎮江小排骨入味。最好食係鴨蛋！食到煙燻味之餘鴨蛋黃味道特別香濃，質地好濃稠🤓
-
✅海鮮酸辣湯。酸辣湯味道濃郁，夠酸夠辣😛 入面料好多，例如蝦粒、豆乾、木耳等。同埋唔會太杰。
-
✅牛柳粒鍋巴卷。鍋巴係自家製，又脆又新鮮炸，甜甜地好香米香☺️老實說炒牛肉唔係好覺，但食得出係有肉粒同d菇粒咁，個鍋巴先係重點😉
-
✅稻草扎肉。原本以為係東玻肉咁，但佢冇左層厚厚的皮同肥膏，只留返啲肉同d筋膜的部份🥹 肉燉到軟晒，一入口幾乎可以即溶😌味道無東玻肉咁濃，醬汁比較似滷水咁，同時帶陣陣乾稻草的清香。
-
✅于戈菜花。切得好幼細的椰菜花，入口唔會覺得好硬。炒得夠香口🥸
-
✅✅鮮肉小籠包。呢個小籠包係最有記憶點的一道菜！皮的厚薄適中剔透，夾得起唔會穿，又會見到入面大約半個包多d的湯汁😍 肉餡同啲湯都幾鮮甜。
-
✅上海春捲。春捲炸得鬆化又脆。入面主要係菜餡，唔太油膩，唔會好漏😆
-
✅✅蛋白杏仁茶。杏仁茶飲落順滑，似係加左d奶去煮，所以杏仁的味道都唔會好濃，啱我麻麻地佢陣味但又鍾意杏仁茶的我🙈 蛋白唔會煮得過熟形成結塊，好滑。
-
#piggyfoodiein尖沙咀
张贴
