雲家小鍋米線 (328廣場)

营业中

休息中

喺米線關注組見到呢間米線好似唔錯，所以即刻約埋米線同好去試試。呢個可以係佢哋舖頭嘅鎮店之寶，勁濃嘅蒜香搭配麻油香，撈埋啲爽口彈牙嘅墨魚頭，成個感覺令人食過返尋味。作為芫荽關注組嘅成員，食米線最緊要嘅係芫荽，雲家嘅芫荽要另外加$8，但係$8如果可以換到咁大一碗芫荽，對我來講都幾滿意。主角出場啦，湯底來講，佢帶有少少酸味，都幾開胃。不過美中不足嘅地方係，我嗌嘅係小麻辣，但我覺得一啲都唔辣，主要着重係個麻味。如果鍾意食辣嘅朋友，可能要嗌中辣或者以上先至滿足到。同埋舖頭環境其實都幾窄，衛生呢其實都有待改善，希望佢哋可以盡快改善一下啦。