Cruise空中餐廳及酒吧

营业中

休息中

最近北角碼頭附近開左間新酒店，今日有同事生日就順便試埋間新餐廳。一入黎望到個180度無敵大海景果下真係好震撼，心諗係洗唔洗靚到咁，完全係感受到點解D人話望住個景食都食得開心d好食d。午市有幾個套餐可供選擇，同好多餐廳一樣用ipad睇menu。餐廳内仲有壽司師傅坐鎮，所以我就揀左個商務魚生拼盤定食。餐包無咩味，有提供牛油，但竟然要開口問先有油醋。個刺身套餐有味噌湯、沙律、5種刺身同白飯一碗，好好笑地係隔一陣先比一樣你，當你以爲已經上完，點知原來後面仲有野。刺身當中，帆立貝係最好食，夠鮮甜，完全無雪藏味道。油甘魚油脂都尚算豐富，肉質幼滑。甜蝦還可，唔夠鮮甜。吞拿魚同鯛魚都係正常水準。最後個套餐仲有杯飲品同甜品，甜品係芒果巧克力蛋糕，蛋糕味道不錯，蛋糕上面酸酸甜甜咁，下面餅底夠脆，而且朱古力味道濃郁。總括而言，上菜速度有待改善，食物ok，但份量唔多，價錢略貴，呢個價錢都真係食個景。