CIAK - All Day Italian (太古城中心) (已結業)

同朋友都係住太古城就放工出嚟傾吓計又想搵個靜靜地嘅地方，所以就黎到CIAK。知道中環都有呢間嘅分店都好出名所以就好想試一試！我哋一坐低店員已經將熱辣辣嘅麵包擺上枱面，仲好有禮貌咁樣話麵包可以無限添加！一向唔係好鍾意食麵包嘅我都覺得呢間嘅麵包係好高質！兩個女仔食pizza竟然可以帶唔同嘅味道混合配搭，有驚喜得來又可以滿足我哋貪心嘅願望！Pizza脆薄送化芝士味濃！卡尼你意粉都係有我最鍾意嘅蛋黃同芝士夠晒香濃！同朋友都係鍾意食羊嘅人，冇諗過原來羊肉都可以煎到咁嫩滑！肉味香濃！而且絕對唔會so！甜品就陪我地最鍾意嘅心態遠同埋海鹽焦糖雪糕，甜鹹既味道mix埋一齊， 估唔到係會咁特別！果然米之蓮推介真係冇推介錯！