集眾菜館

营业中

休息中

自從禁堂食之後好耐無得去集眾，今日因工作所以路經，於是決定去食lunch。見到老闆娘例牌問佢有乜嘢好食，佢就推介我試籠仔石斑蒸飯。石斑有四至五件，應該拖過油先至再蒸，所以啲皮有啲𡁻口，味道比就咁蒸好味啲。飯底用蛋炒過，夠乾身，吸埋魚汁，所以真係唔錯。佢哋衣家lunch time叫套餐仲有例湯同埋嘢飲跟餐，我好鍾意佢個湯，因為似乎係無味精，而且個湯底好似係用咗靚了慢慢熬，所以我最後決定唔要嘢飲要多碗湯。$68真係幾抵。