滬上園

营业中

休息中

荔枝角道近太子界限街呢一段路都好多餐廳，每次嚟太子食飯都會睇睇呢邊會唔會有新驚喜。呢間上海菜小店，價錢都幾抵，$40-60就有個麵食。仲有下午茶時段，而且唔洗收茶錢。上菜速度算快，店員都非常細心，會記住客人嘅要求，例如走蔥或者蛋絲。點咗豬扒擔擔麵，湯底微辣，麵面加咗啲肉碎，有少少花生香，但唔係太濃郁，冇擔擔麵嘅感覺。豬扒味道夠，但有啲乾。整體而言，呢間小店中規中矩，以價錢嚟講都幾抵食。附近都多街坊熟客幫襯。如果喺太子附近想食上海菜，呢度係一個可以一試嘅選擇。