HIKARI

今日去荃灣睇中醫，睇完就同朋友搵啖食，朋友話大壩街嗰邊有好多食肆，所以就行咗過去，果然，有好多間都吸引到我🤣，最後因為想坐低舒舒服服傾吓偈，就去咗呢間西餐廳，餐廳門面同餐廳內都是簡約設計，有兩層高，但想有啲自然光，所以坐咗樓下，同friend傾偈覺得咁樣舒服啲。我哋叫咗一個意大利飯、一個意粉同一個甜品、仲有一杯咖啡。煎封法國油鴨髀牛肝菌意大利飯 $148齋聽個名都流口水🤤，果然無令我失望，鴨皮外皮香脆，內裡肉質軟淋，牛肝菌意大利飯，食落唔會漏，有好多牛肝菌，食完一啖想食第二啖，正！😍日本櫻花蝦蟹肉蘆筍扁意粉 $128呢個喺我朋友點嘅，本人就麻麻哋櫻花蝦，但個friend食咗話個意粉好食，叫我試吓，個汁好creamy，都係一啲唔漏，佢哄我試埋個櫻花蝦，竟然令我覺得又幾好食，啲櫻花蝦好香脆，出晒味，同個意粉好夾，鍾意食櫻花蝦嘅朋友，相信唔會令你失望，讚！😍髒髒提拉米蘇 $88食完飯個胃仲有位食甜品😆，yeah！個tiramisu 同平時食嗰啲有啲唔同，個手指餅底唔會濕晒淋晒，有一半淋一半脆口嘅感覺，好鍾意。個tiramisu 唔會太甜，配搭少許焦糖+少許海鹽，唔好講笑，真係好食，鍾意食甜品