影片
更多
2019-04-26
65 浏览
之前睇住呢間小店開張，但一直都搵唔到機會試。前幾日終於等到屋企無飯食，即刻提出去試呢間！＊地點＊盤子工房喺建生商場外圍，由建生輕鐵站行過去只需要1分鐘路程。距離直情係企喺輕鐵站尾望過去都見到咁近👍🏻＊店內環境＊店內裝修走簡約工業風，文青 + 簡約輕鬆，絕對啱哂想忙裡偷閒嘅香港人😉雖然以黑色為主，但外牆做咗大玻璃窗及落地玻璃大門，再加上高樓底及配上木材桌椅及餐具，所以感覺一啲都唔侷促，沒有壓迫感。店內環境清潔，不過佢無喺大門上面加風阻，再加上呢排已經係夏天咁嘅天氣，難免見到有啲蚊會飛咗入嚟😔，呢樣值得改善。壁畫好搞笑！熱狗帶住Burger仔出去散步。其實熱狗後面仲有隻小白跟住嫁，反而係隻小白無帶頸繩🤣＊落Order/上菜速度＊呢度係客人去cashier落order，之後就可以返埋位等店員送餐。嘢食係即叫即做，上菜速度都幾快。＊是辣的肉醬熱狗 配薯角+是日特飲: 百香果(熱)＊熱狗餐以木砧板為托盤。鬆軟麵包，粗身熱狗腸，加上滿滿嘅微辣肉醬。絕對係大滿足！薯角亦係即炸，外面香脆裡面軟，無炸到過哂龍，亦有應有嘅薯仔味，CP值極高，值得下次再食！＊ 牛扒意粉配黑椒汁 配是日特飲:百香果(凍) ＊
之前睇住呢間小店開張，但一直都搵唔到機會試。前幾日終於等到屋企無飯食，即刻提出去試呢間！
＊地點＊
盤子工房喺建生商場外圍，由建生輕鐵站行過去只需要1分鐘路程。距離直情係企喺輕鐵站尾望過去都見到咁近👍🏻
＊店內環境＊
店內裝修走簡約工業風，文青 + 簡約輕鬆，絕對啱哂想忙裡偷閒嘅香港人😉
雖然以黑色為主，但外牆做咗大玻璃窗及落地玻璃大門，再加上高樓底及配上木材桌椅及餐具，所以感覺一啲都唔侷促，沒有壓迫感。
店內環境清潔，不過佢無喺大門上面加風阻，再加上呢排已經係夏天咁嘅天氣，難免見到有啲蚊會飛咗入嚟😔，呢樣值得改善。
壁畫好搞笑！熱狗帶住Burger仔出去散步。其實熱狗後面仲有隻小白跟住嫁，反而係隻小白無帶頸繩🤣
＊落Order/上菜速度＊
呢度係客人去cashier落order，之後就可以返埋位等店員送餐。嘢食係即叫即做，上菜速度都幾快。
是辣的肉醬熱狗 配薯角+是日特飲: 百香果(熱)
10 浏览
0 赞好
0 留言
＊是辣的肉醬熱狗 配薯角+是日特飲: 百香果(熱)＊
熱狗餐以木砧板為托盤。鬆軟麵包，粗身熱狗腸，加上滿滿嘅微辣肉醬。絕對係大滿足！
薯角亦係即炸，外面香脆裡面軟，無炸到過哂龍，亦有應有嘅薯仔味，CP值極高，值得下次再食！
牛扒意粉配黑椒汁 配是日特飲:百香果(凍)
16 浏览
0 赞好
0 留言
＊ 牛扒意粉配黑椒汁 配是日特飲:百香果(凍) ＊
牛扒夠味又夠淋，唔係無牛味又咬到牙都軟嘅牛扒。意粉對我嚟講少少硬身，所以對一般人嚟講應該ok。(只係因為我鐘意食淋嘢咋😝)
＊ 是日特飲:百香果 ＊
最驚喜係是日特飲唔洗加錢，又可以揀熱飲。無論熱飲凍飲都唔會太甜，啱哂唔鐘意飲凍嘢嘅我😍
张贴
