知魚知樂

营业中

休息中

酸菜魚係香港已經變得好普遍，不過我之前都係三五知己一齊去食。今日去完醫院做電療，肚仔好餓，但又唔想係威爾斯附近食晏，唯有嗱嗱聲出大圍搵地方醫肚仔😫今日幫襯既「知魚知樂」就係未幫襯過既小店，一坐低伙記快手放低QR CODE比我自己點餐，於是我高速睇下有咩選擇。在肚仔發出悲鳴既驅使下，快手選擇了「酸菜魚+米線+黃喉片」組合，仲有點貪心叫一杯「楊枝甘露」特飲，因為天氣有點熱🙄雖然酸菜魚來來去去都係差不多，但依間小店提供既酸菜魚咬落係少少脆幾爽口，黃喉片亦都係一樣咁好食，雖然我選擇走辣，但本身湯底既酸菜又幾惹味，如果係冬天食成個人會暖笠笠更岩Feel🤤至於楊枝甘露特飲，我覺得唔會太甜，不過個人始終喜歡楊枝甘露以糖水方式享用（因為內裡有果肉），下次再黎會試試其他飲品。