櫻木 (已結業)

隨著觀塘重建，各大型商場都人頭湧湧，但其實成個觀塘，尤其是工業區，仲有好多小店默默經營，小少少環境又坐得舒服，唔洗食到急急腳未人趕🍻。今次去的櫻木，位於觀塘駿業街利富工業大廈，apm 一出轉左一個街口就到，位置方便。一入到餐廳簡單樸實裝修，不造作。而且賣的日式家常菜，簡單烹調，食得健康🥰。餐廳以日式家常菜套餐為主， 前菜湯品主食日式米飯和飲品，也可以加配雪糕或小食， 悉隨尊便。前菜選了中華沙律和 芥末八爪魚，開胃😘。Miso 湯微暖易入口。主菜有數款選擇， 原條蒲燒鰻魚🙂長到差D 連隻碟都唔夠放，鰻魚即叫即燒，外面燒得香，邊位帶微焦，咬落嫰滑，好食。慢煮安格斯封門柳🥩慢煮得黎內裡仍然紅噹噹，肉味濃不在話下，識食肯定食封門柳。白飯可以揀配醬油蛋，明太子或醬油金菇，食落唔會單調。小食加配左吉列蝦同軟殼蟹，小食多滋味，炸得卜卜脆！飲品叫了 陳皮檸檬茶和薑母茶，秋天到，是時候要暖身了❤