櫻木 (已結業)

呢個九宮格睇相份量好似唔多，但嚟到時我同朋友都「嘩」咗一聲，食物份量比想像中多，每人仲有兩大碗飯同飲品，食完飽到上心口😂九宮格內所有食物質素都最少中上，特別鍾意芥辣八瓜魚好開胃，而松葉蟹肉又好送飯☺️ 吉列虎蝦真係好大隻，啖啖肉好滿足🤤 慢煮封門柳又嫩又重牛味，同埋份量都唔少，所以兩個人食曬咁多嘢都幾飽🤣眼闊肚窄嘅我哋仲加配咗軟殼蟹，真係好大隻同炸得好好食，呢個價錢真係好抵😍 大家有肚嘅話都可以試埋👍🏻

今日又去到觀塘工業區搵食。喺ig前排見到呢間餐廳嘅九宫格拼盤，被深深吸引著，今次趁住要去醫院覆診就去到呢間嘞。當日喺ig睇到嘅櫻木係間新餐廳，但其實佢前身喺駱駝漆大廈嘅漢堡小店，轉移到現時位置，改名fratelli restaurant，近年再轉型由漢堡店變為日式料理店。 店舖位於富利工業大廈，裝修就係典型木系飯堂外觀。當日12:15去到，場面空蕩，一個人都冇，原來到1:00人流先至出現。午市餐牌有簡單嘅炒烏冬，10多款自選定食，包有冷盤漬物，當然仲有漢堡。但原來九宮格只在周未供應。 慢煮安格斯封門柳定食$88 賣相，點講好呢...真心好細舊，但$88就有牛扒的話，性價比大家自己衡量吓啦。封門柳，據說一隻牛只有600g，但價錢相對便宜。因脂肪較少，好容易煮得唔好而變硬，但肉味較濃，因此好多人將佢慢煮。 件牛望落就有完美嘅Medium rare血紅色，慢煮過後唔似前排講嘅“慢煮屋”嗰個同樣咁韌，呢隻真係軟嫩彈牙，具有肉味。慢煮過後，邊位都唔會過熟，加上濃厚甜美嘅醬汁，個人覺得醬汁味道蓋過肉香，但整體都幾好嘅，份量就...(配菜下文再講) 吉列豬扒定食$78 呢個嘅份量就滿足到我啦，仲大過

冇得食晚市，唯有同朋友星期六日食lunch啦～為咗避開人群，我哋就睇吓觀塘工廈有咩好嘢食，見到價錢都好實惠，就試咗呢一間櫻木😆餐廳座位唔係好多，不過算係好闊落吓～我哋仲要有卡位坐，非常寬敞！一坐低店員就介紹吓佢哋嘅menu，舖仔細細但都幾多嘢食～仲有個抗疫menu，$48-$58，好抵食！不過我就揀咗佢嘅午市套餐，會有一個料理、米飯同冷盤～仲可以用優惠價加嘢飲🤣我就叫咗個韓式泡菜雞胸 ($58) 配醬油蛋飯 (加$8) 同埋味付海蜇～加咗杯熱玫瑰茉莉花茶 ($6)🤤除咗以上講嘅呢啲，佢仲有麵豉湯同埋前菜，所以都幾豐富架～我覺得啲雞胸肉質ok，唔嚡～上面嘅泡菜酸味都幾重，整體個味道都幾好嘅～個飯加埋蛋好好味，一隻蛋同醬油夠撈哂成碗飯🤤當日餐廳人流唔算太多，所以店員都好好，一直比我哋坐同傾計☺️仲要不斷加水落我哋個花茶度，店員服務真係好抵讚！希望都會有多啲人欣賞咁有心嘅小店～

💮櫻木九宮格🍱 （二人前）餐廳主打櫻木九宮格, 本人和朋友被佢賣相和食物所吸引所以特登走過來食, 當中食物包括：（磯煮鮑魚、 刺身級北海道帶子、松葉蟹腳、 松葉蟹肉、 吉列虎蝦、 慢煮封門柳、 厚燒玉子、 芥辣八爪魚,中華帶子裙邊）這套餐已包一碗湯, 飯品及越光米。如果主食想轉醬油蛋、明太子,醬油金菇飯要加$8。 如果想轉稻庭烏冬要加$10。基本上每樣食物都已切開了, 除了開胃菜 所以夾的時候好方便衛生🙂。 味道方面果然沒有讓我同朋友失望, 因為每一小碟的食物都好新鮮, 尤其帶子真係超大粒味道又鮮, 其次係🍤吉烈虎蝦, 外層就算遲左食都唔會好“林”仲食到啖啖蝦肉唔會粉多過肉😋 🦀松葉蟹肉同腳更加唔駛講啦一個字鮮👍🏻真係諗起都想食多隻🙈。 最後講埋🐮慢煮封門柳這碟連店職員都推薦,可惜我唔食🐮益哂朋友, 友人表示肉質好嫩肉汁又多好香牛味, 油脂同根位又唔多所以食落唔韌同唔會膩好味🤓。飲品方面選了熱桂花烏龍和凍冬瓜茶P.s.不得不讚餐廳服務員服務態度, 每次找她們落單或加水職員都會好都迅速又有禮貌地幫我們跟進👍🏻

看了其他foodie的推介，到觀塘工廈試吃日式家常便飯。意外地沒甚麼人，地方寬敞乾淨，有飛了一趟日本的感覺。餐廳還有其他單品和午市套餐，但最吸引的就是九宮格二人前，有慢煮安格斯封門柳🐮、北海道帶子🐚、磯煮鮑魚😋、松葉蟹肉🦀、松葉蟹腳🦵、吉列虎蝦🍤、厚燒玉子🐣、芥末八爪魚🐙同中華帶子裙邊💃。🥚🍄🌾套餐送兩碗日本越光米飯，還可以加錢要醬油蛋、明太子或醬油金菇。今次想試試米飯原味，就沒有加點。🥩封門柳是牛的橫膈膜肌肉，肉質鬆軟，肉味濃郁。🌊蟹肉蟹腳都新鮮有甜味，芥末八爪魚有點嗆，但當前菜吃很帶勁。😝我最喜歡的是帶子，一咬之下，香味充滿口腔，煮得非常鮮嫩多汁，好吃得捨不得吞！9️⃣建議可以先吃味道較清淡的海鮮類，再吃濃味的牛柳，更能帶出九宮格的層次！🍢看得出努力經營，店員和老闆娘都非常親切，掃描二維碼還送雪米糍，畫上美好句點。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍櫻木觀塘駿業里6號富利工業大廈1樓C號舖🥰帶子超好吃🤗九宮格選擇多😛氣氛家常親切@sakuragi.kt

忙足一年 冬至要對自己好啲 出去食餐好既 差差電🥣原本想食cobber 但12:00去到都排到出門口 🥲果斷轉場櫻木前身係食burger 一切裝修格間無變 呢家已經轉左menu食日本料理首先簡主菜 -慢煮有子胡椒黑毛豬 ✔️再簡米飯- +$8可加配醬油蛋🥚/醬油金菇/明太子 （我揀明太子） ✔️再到冷盤- 有海蜇/芥末八爪魚/帶子裙邊/厚燒玉子 （我揀口燒玉子）👌黑毛豬好juicy 醬汁食唔出柚子味 但神奇既用慢煮煮出既黑毛豬岩岩好到位 偏粉紅但岩岩好熟 肉質嫩滑🥰🥰

坐落於觀塘地鐵站附近，位置相當方便。之前黎過餐廳食burger同埋意大利飯質素都唔錯，之後佢轉左營，主打日式料理。今次叫咗個櫻木九宮格二人前 $288餐廳白飯用左日本越光米，我另外加$8加明太子。套餐包嘢飲， 叫咗杯熱桂花烏龍茶同玫瑰茉莉花茶。餐擺盆好適合打卡。最欣賞佢嘅北海道帶子刺身同埋慢煮封門柳。 帶子大粒，表面微焦，裡面嫩滑，唔會過熟。 封門柳牛味重，醬汁甜甜地都幾好食。 要讚下佢每一件食物都係雙數咁就唔使驚同朋友唔知點樣分咁尷尬。食物方面，味道唔錯，不過某幾樣菜色，例如芥末章魚同埋帶子裙邊就略嫌普通咗少少。整體餐廳環境同服務唔錯，食物外觀精緻，不過我覺得食物份量偏小，女仔食都未比夠飽。

尼間主打日式便當，當日尼到晏就4點左右，得一兩枱客🙈講番啲野食，有一菜一汁一飯一前菜。先講小菜，揀左生八爪魚，口感食落都新鮮。隨餐附送既湯同漬物，味道正常，但份量偏少🙈主菜就揀左鰻魚同豬肉，鰻魚來講唔知點解有一陣少少既腥味 不過整體都算高cp值，大大條咁，而且魚油味夠，食落都肥味。豬肉就無咩印象點，正正常常咁🧐飯加錢要左醬油蛋，味道好好多，因為主菜都無咩汁，淨飯配都會有啲寡🙈總體我覺得有7.5/10分👍🏻👍🏻👍🏻👍🏻

今日同同事又喺觀塘區搵新餐廳，見到呢間算係日本菜嘅餐廳，而且價錢又唔貴，就一於去試吓，睇吓佢會唔會變成我哋嘅飯堂！見到佢嘅午市定食，價錢由$68去到$112，有一個冷盤，一個料理同埋一個米飯！▪️冷盤▪️🥗中華帶子裙邊超級彈牙，而且好有咬口，亦都鹹鹹地，作為前菜幾開胃！🍳厚燒玉子玉子夠哂凍，而且唔會好甜！▪️料理▪️🐟原條蒲燒鰻魚 HK$112見到成條鰻魚咁長真係用嚟送飯好正！鰻魚質感比較軟身，好處係佢唔算多骨！🐮慢煮封門柳 HK$92可能因為係慢煮嘅關係所以封門柳嘅質地真係好軟熟，醬汁都好味！不過份量就覺得少左啲，男仔應該會覺得唔夠飽！▪️米飯▪️🍚明太子飯 （+HK$8)一開始都驚明太子會太咸，但食左啖比我想像中淡口味！所以就算份量多啲都唔怕！🍘醬油蛋飯（+HK$8)因為醬油甜甜地，蛋亦都有香滑口感，所以撈埋一齊之後個飯就好香好正！

觀塘工廈多餐廳唔係啲咩新鮮事，今次嚟到一間食日式家常便飯嘅餐廳🍱 呢度嘅套餐包括湯品、漬物、飲品，從前菜至飲品都可以任君選擇～🐙冷盤一共有4款供選擇：厚燒玉子、中華海草沙律、中華帶子裙邊、山葵八爪魚粒，八爪魚粒尤其讚好👍🏻鮮味十足🍚米飯採用咗日本越光米，可以隨個人喜好添加豉油蛋、明太子、醬油金菇，米飯煙韌有咬口，醬油金菇甜甜哋，為白飯增添趣味封門柳色澤粉嫩，帶濃厚牛味，肉感較重，油脂感輕，所以食晒都唔會覺得油膩濟住，肉質嫩滑，一口米飯、一口封門柳，滋味十足，好快就清碟😋店員大推一夜干，即係燒鯖魚，聲稱大過塊面，推介兩個人食嘅話可以挑戰下🤣一上枱，真喺大條到唔係一個人嘅份量🙉最後果然係食唔晒🙈魚質滑溜，不禁令人想一口接一口🤤🍤小食如果嫌唔夠飽，仲可以加配小食，眼闊肚窄嘅我哋加配咗吉列虎蝦、黃金軟殼蟹兩個小食絕對加得值，炸蝦本身帶鹹鮮味，原隻軟殼蟹食到中間時，估佢唔到爆蟹膏🤩 ✨全日免收加一份量咁足，真係會食到捧住個肚腩仔走呀😆

餐廳前身係cafe，但而家轉左形主打日式料理～兩個人每人叫左一個餐，可以試晒日式同漢堡慢煮封門柳 • HKD$108牛肉係意想不到嘅軟同淋😳簡簡單單配燒汁食都好夠味～可以熱多少少就好個餐仲送左麵豉湯同漬物，好啱送飯醬油蛋飯 • 跟餐餐廳用左日本米，所以食落特別有飯香～香噴噴嘅飯加埋蛋汁同豉油，簡簡單單都已經好令人滿足山葵八爪魚粒 • 跟餐同本時係日本餐廳食嘅一樣經典安格斯漢堡 • HKD$88因為即叫即整，所以都要等一等先有～薯條食落好脆，冇油溢味漢堡個包係烘過，所以都脆皮中間塊芝士熔熔地，望落好吸引切開見到塊漢堡扒係7成熟左右，食落肉質唔鞋而且都有d肉汁，牛味唔算超濃，但整體黎講都唔錯吉列虎蝦 • HKD$38熱辣辣咁食所以好脆中間蝦肉唔會老到乾爭爭，作為小食都幾好雲尼拿雪糕球 • HKD$18食落好似某大品牌嘅雪糕，所以唔會中伏啦～陳皮檸檬茶 • 跟餐係其他餐廳好少見！飲落真係有陳皮嘅香味而且餐廳好細心咁隔起晒d渣，好方便飲用薑母茶 • 跟餐呢個薑味唔算太濃，而且有少少偏甜但冬天作為暖身飲品都唔錯

本身以為個九宮格係攞黎打卡所以唔會話特別好好食 點知出乎意料地好食👍👍✨慢煮封門柳 我覺得九個格入面最好食係呢個 啲肉味超香超出🤤🤤 雖然係有少少un 不過我都得係ok 嘅有咬口啲✨芥末八爪魚呢個都好好食 八爪魚爽口 啲芥末真係幾攻鼻✨松葉蟹肉新鮮蟹肉 好鮮甜嘅味道😋 啱晒鍾意食蟹嘅我 ✨松葉蟹腳原來呢個係生嘅😵 我唔鍾意食生食嘅蟹 個質感好林 不過食左兩啖都覺得佢係新鮮嘅✨磯煮飽魚好爽口彈牙 👍👍 好食✨刺身級北海道帶子好大粒帶子😍 淨係面頭燒左兩下 其實成舊都係生嘅 都好新鮮👍✨中華帶子裙邊好爽口 味道都調得好好✨吉列虎蝦炸得好脆 炸粉唔厚 不過炸得好似有少少燶左 蝦肉正常✨厚燒玉子又係面頭燒左少少 有甜甜地嘅蛋味 味噌湯唔會話好濃但好飲 飯就一個加左蛋 一個普通白飯 加左蛋同豉油係濃味啲香啲 普通就淡淡嘅飯香 都好食 最後scan 佢地一個QR code 再send 一句野就有雪米糍送因為我地早黎 星期六又冇乜人食 兩個人都比左個大卡位我地坐 坐得好舒服晚餐人均$150味道❤️❤️❤️❤️價錢❤️❤️❤️❤️服務❤️❤️❤️環境❤️❤️❤️❤️

肥雞估唔到喺觀塘工業大廈都發掘到呢間咁高水準嘅日式料理店， 雖然佢嘅選擇唔多， 但係肥雞一早已經諗定食乜嘢。 佢嘅原條蒲燒鰻魚飯係最出名， 一上到嚟肥雞都畀條鰻魚嘅size嚇親， 佢嘅鰻魚啖啖肉配埋濃厚嘅燒汁， 一啖鰻魚一啖飯， 滿口都係油脂嘅魚香味。 食得有啲肥膩仲可以配埋小菜， 佢嘅小菜係酸青瓜， 再有埋香口嘅麵豉湯， 成個組合都好清爽。 至於肥雞朋友就嗌咗慢煮牛腹扒， 佢嘅牛油香氣好濃， 佢嘅小菜同其他一樣， 佢嘅白飯配埋味素，真係好正。

🇭🇰💛櫻木 工廈日式家常料理🍱位於觀塘工廈一樓 方便易搵唔洗搭𨋢裝修風格都係行日式 主打一汁二菜🥢晚市套餐一共有六款日式料理 魚豬牛雞都有齊包湯品🍲同瀆物 再自選配搭米飯🍚冷盤另外仲可以加配飲品🥤小食 甜品🍨🐟一夜干(💰$138)今次試下廚師推廣既一夜干🤍其實就簡單講就係燒鯖魚🔥即叫即燒 所以都要小小時間魚既份量好多 食極都仲有 幾抵食食落調味簡單幾鮮 肉質好滑身 不過會有細骨 食既時候要小心🙊飯方面用左日本越光米🍚加醬油蛋(+$8)撈飯🍳冷盤厚燒玉子味道都唔錯👍🏻👍🏻配紫蘇漬 麵豉湯入邊仲有冬菇 食哂成set真心幾飽🐷慢煮柚子胡椒黑毛豬(💰$128)黑毛豬份量正常 調味方面幾特別😍柚子🍊🍊既配搭減去左黑毛豬既油膩感肉質爽口 唔會太腍或太韌飯方面揀左配明太子 唔怕碗飯食落會悶冷盤芥末八爪魚好正🤣芥末味送飯幾正 加配左冬瓜茶都比想像中好飲 唔太甜 仲有冬瓜蓉咬下🍤吉列虎蝦(💰$38/2pcs)夠脆身 炸衣薄虎蝦肉質爽口-整體黎講以日式一汁二菜黎講都幾抵食✔️staff都好nice 服務很好💛💛

❤️原條蒲燒鰻魚Wow原條上 ，好大條夠晒震撼，鰻魚肥美，又夠晒多汁，絕對係白飯神偷！❤️吉列豬扒即叫即炸，熱辣辣，外皮卜卜脆，豬扒夠晒淋，又夠多肉汁，好味👍🏻小食❤️炸軟殼蟹成隻炸，原隻上，好脆口，點埋千島海鮮醬，正👍🏻❤️吉列炸蝦好大隻，好長呀，可能係即叫即炸，特別好食！原來星期六中午時間都好多人，要食好嘢記得早小小去喇☺️呢度有別於觀塘工廠大廈餐廳，環境乾淨，又光猛，侍應服務周到，好鍾意呢度嘅氣氛！櫻木 (觀塘)觀塘駿業里6號富利工業大廈1樓C號舖