一汁一菜 (源成中心)

营业中

休息中

如果你鍾意簡單又滿足嘅和風定食，「一汁一菜」真係唔可以錯過！呢間隱身於觀塘源成中心嘅小店，以健康同精緻嘅日式風格為主，食物款式多樣之餘，味道都十分出色。 和風定食（$75）今次我叫左咗兩個和風定食，第一個set，湯揀左 北海道產甜粟雞肉豆乳濃湯，主菜係和風醬油燉牛肉，而小菜就要左風雞肉燴厚揚豆腐，主食就配越光米。雞肉豆乳濃湯入口香滑，豆乳味道濃郁但唔會太膩，加埋甜粟嘅自然甜味，飲完好暖胃。牛肉燉得好腍，醬油味唔會太重，啱啱好。而雞肉燴厚揚豆腐就好清新，豆腐吸晒汁，嫩滑得黎有豆香味。配上煙韌嘅田牧越光米，簡單又滿足。 和風定食（$75）第二個set，我哋叫左北海道產南瓜周打濃湯，主菜要左醬燒北海道十勝豚扒，小菜就要左吞拿昆布拌秋葵。南瓜湯好香甜，飲落有淡淡嘅奶香。豚扒煎得好香口，肉質嫩滑，配埋濃郁嘅醬汁，食得出係用心製作。而秋葵同昆布嘅搭配就好清爽，係一道非常解膩嘅小菜。 日本白桃意式奶凍（$30）最後加咗$30要埋日本白桃意式奶凍，滑溜溜嘅奶凍配埋一大舊日本白桃，甜度啱啱好，為整個餐完美收尾。 總括嚟講，呢間餐廳價錢合理，味道有水準，食完有種溫暖人心嘅感覺。