民華餐廳 (已結業)

久唔久都會好想食好味嘅潮州魚蛋，想係屋企附近搵間好食又方便唔太遠嘅，我通常都會去附近嘅民華餐廳。雖然佢地最出名都係常餐，但係佢地嘅粉麵都有番一定水準嫁!泥到通常都會嗌番碗魚蛋河，我好中意食呢度既魚旦，因為魚蛋咬落有好突出嘅魚味，唔係死實實，又彈牙又好味。而且河粉好幼滑，與別不同，湯底清甜，食後唔會有口乾感覺。錦上添花嘅係叫一碗魚蛋河入面除左魚蛋之外重會有埋魚片頭，魚片同炸魚皮，炸魚皮重暖暖地食落好香脆，有卜卜脆嘅聲音，魚蛋粉碗湯可以浸下啲魚皮，最重要係佢冇炸完再返炸嘅萬年油味，就算浸左落湯食都仲係脆嘅。一碗好食嘅魚蛋河重可以食埋片頭同炸魚皮真係令人好滿足了!!