影片
更多
2016-02-08
1169 浏览
蒸氣火鍋的勢頭，由上年的年中的百花齊放到開到好似七仔一定有間係附近，相信你每個朋友都總會食過一次蒸氣火鍋，係那個知客的知名蒸氣鍋好，是那些出名的連鎖店好，我相信你好難會冇食過。朋友介紹話食蒸氣鍋，地址竟然係位於酒店裡面的餐廳，酒店平時有日本西餐法國菜中餐，就係冇聽過有蒸氣火鍋theme的餐廳會係酒店出現，雖然我唔知係唔係屬於酒，但去得酒店食蒸氣火鍋絕對係幾有趣的事情。遲來的晚上幸好還吃到餐廳人推薦我地打卡送神秘優惠，現今非常普遍的宣傳手冊，點知驚喜係送象拔蚌仔同甜蝦刺身，的確落足本，象拔蚌仔同甜蝦刺身都唔係因為送給你而普通，全都是貨真價實之選。前菜係一系列的私房菜主要因為佢食過咕嚕肉 $128話好，結果為我地打頭陣的就係呢個咕嚕肉，呢個咕嚕肉有乜咁特別呢，我只能像韓愈說，只能意會，不能言傳，佢沒有好肥淋淋的感覺，咕嚕肉的感覺都是瘦瘦瘦的，而那感覺就脆得得，絕對是吃過數一數二的。秘製花甲 $68，花甲係大大粒又新鮮的，那秘製的醬汁令人開胃到不行，我已經勁肚餓，食完呢個就像打開任督二脈。避風塘茄子粒 $48 ，外間的避風塘炒所有餸類都係油份勁高食到成口油，但呢個炒得勁乾身，你喜歡吃茄子絕不
蒸氣火鍋的勢頭，由上年的年中的百花齊放到開到好似七仔一定有間係附近，相信你每個朋友都總會食過一次蒸氣火鍋，係那個知客的知名蒸氣鍋好，是那些出名的連鎖店好，我相信你好難會冇食過。
朋友介紹話食蒸氣鍋，地址竟然係位於酒店裡面的餐廳，酒店平時有日本西餐法國菜中餐，就係冇聽過有蒸氣火鍋theme的餐廳會係酒店出現，雖然我唔知係唔係屬於酒，但去得酒店食蒸氣火鍋絕對係幾有趣的事情。
遲來的晚上幸好還吃到餐廳人推薦我地打卡送神秘優惠，現今非常普遍的宣傳手冊，點知驚喜係送象拔蚌仔同甜蝦刺身，的確落足本，象拔蚌仔同甜蝦刺身都唔係因為送給你而普通，全都是貨真價實之選。
前菜係一系列的私房菜主要因為佢食過咕嚕肉 $128話好，結果為我地打頭陣的就係呢個咕嚕肉，呢個咕嚕肉有乜咁特別呢，我只能像韓愈說，只能意會，不能言傳，佢沒有好肥淋淋的感覺，咕嚕肉的感覺都是瘦瘦瘦的，而那感覺就脆得得，絕對是吃過數一數二的。
秘製花甲 $68，花甲係大大粒又新鮮的，那秘製的醬汁令人開胃到不行，我已經勁肚餓，食完呢個就像打開任督二脈。
避風塘茄子粒 $48 ，外間的避風塘炒所有餸類都係油份勁高食到成口油，但呢個炒得勁乾身，你喜歡吃茄子絕不能錯過。
南乳齋煲 $98 ，係又肉又海鮮的情況下，一定要食菜或齋打打底，呢個南乳齋味道不會死些鹹，料又落得足，可惜今晚係黎打邊爐，如果唔係應該是送飯的好選擇。
避風塘鱔片，這個應該是例牌，鱔片也是用避風塘形式去整，當然如避風塘茄子粒一樣煮出真我的風采。
杏汁豬肺湯 $480，我想起經常娛記講的item，他們形容女明星的大脾通常都用又白又滑別絕對又白來形容，如果你有機會飲強烈建議你食舊豬肺，淋淋的之餘就像整個豬肺都被杏汁注入每條神經，好味到不行。
吃到呢到，已經大半飽，可以話係驚喜萬分，冇諗過會係呢度食前菜食到可以咁飽，基本上可以剩係食小菜....點知而家先開始出現主角，就像阿飛正傳的梁朝偉一樣，最後出場的風采是不是更勝阿飛呢
放過粥底先是常識吧，蕃薯排骨粥底，識選一定係排骨，以經濟海鮮的蒸餾出的汁和水份都是和排骨做出一個鮮味到不行的粗合，呢個一定冇選錯。蒸氣終於來到了，剁椒蒸扇貝 $48/隻，剁椒滿佈的蒸扇貝當然不可錯過，每粒都是珍寶級的鮮甜與大粒，那些剁椒令成個蒸扇貝新鮮得來更野性。
金銀蒜粉絲蒸蟶子皇 $58/隻，蟶子皇直情爽口到跳起，加上金銀蒜和那些剛剛好的粉絲，簡單就是美。
清蒸南非龍蝦 $268/隻，南非龍蝦非常大隻，我覺得食蒸氣火鍋食龍蝦是必需的氣勢，龍蝦肉彈牙鮮甜，絕對無一絲不好的懸念，當然價錢相對有點貴，但食落你就覺得好值得。
蟲草花蒸鮑魚 $88/隻 ，蟲草花將鮑魚都變得陣陣優香，鮑魚是蒸得剛剛到位的煙韌。海鮮蒸千葉豆腐 $98 ，如果食過咁多間蒸氣，我絕對覺得呢個係食過最好的，那個千葉豆腐就是滑得過份，然後醬汁配上海膽蝦肉等海鮮蒸出來的效果就像是初戀甜得過份。
鮮淮山紅棗雲耳蒸新鮮雞，就得是新鮮雞，你都應該不用懷疑其新鮮程度，淮山紅棗雲耳一班配角當然各做好本份，令雞肉的鮮味添上更美麗的味覺，之前吃過幾間蒸氣的雞件大多為蟲草花，用鮮淮山紅棗就較為新鮮。
蝦膏豆卜蒸東坡肉 $78和秘製蒸茄子條 $68都是吃得出的新鮮，前者味道濃郁，後者是一如前面做得好好的茄子水準。
最後吃番個蕃薯排骨粥底，充滿著剛剛的新鮮雞油，鮑魚，蟶子皇，龍蝦，蒸扇貝等等東西共冶一爐，那個鮮甜絕對是蒸氣火鍋的精華所在，可惜之前吃得太飽，粥幾好味都只能吃得一碗就是了，因為妹仔早已把我填得半飽，已經無空間去滿足它了....
係我吃不到粥的時候，我還想念那些前菜。對，這裡的妹仔就是大過主人婆，突然我想起一個故事，簡先生係出名的練馬師大家都知，佢清晨要同馬仔練馬也非常合理，有傳佢朝早同馬仔練馬時同家中的工人有好多交流，產生好多感情，而冷落了其他地方(當然還有太太)，這一刻，我想起了簡先生，妹仔大過主人婆，我想大約就是這個意思。
有蒸氣 海鮮石鍋專門店 Steam Seafood Hotpot Restaurant尖沙咀天文臺圍5-9號寶軒酒店1樓
张贴
