泰嘟嘟

呢日同老婆去到大角咀搵朋友， 搵完朋友之後喺附近度睇下有咩食， 呢期我哋特別鍾意食泰國菜， 路過見到一間餐廳名幾特別叫做泰嘟嘟， 於是入去試下， 入餐廳有量體溫 ，入到去就知道點解餐廳會叫呢個名， 餐廳嘅裝修都幾時尚， 有幾張卡位的外型一部大嘅泰國篤篤車。

冬陰功海鮮湯

冬陰功海鮮湯係用鍋上， 可以保持到個湯嘅溫度， 個湯又大頭蝦，海鮮，草菇， 檸檬草和其他泰式香料， 酸酸辣辣， 清新開胃， 辣嘅程度係小辣。

小食拼盤(大)

呢個小食拼盤有六款唔同嘅小食， 啱曬我呢個每一樣都想試少少既人， 有魚餅，蝦餅，春卷， 荷葉包雞雞翼和沙嗲串燒， 配沙爹汁和泰式雞汁， 拼盤都幾有份量， 我哋飲完個湯同埋食埋個拼盤都差唔多飽飽地。

招牌焗黃咖哩麵包軟殼蟹

麵包用咗大概三分一條方包， 淋上咖哩汁有啲邪惡， 咖哩汁充滿椰香， 配三色椒，洋蔥和蛋花， 原隻軟殼蟹幾大隻炸得夠脆身。