花木日本料理 (已結業)

朋友之前提過有佢公司附近有間新開嘅日本料理餐廳，於是今日放工要去尖沙咀買嘢，所以便打電話去試下今晚有枱去試下。呢間日本料理位於天文台道一幢頗新嘅商廈3樓，裝修木飾為主，門口有地下有日式石春路，頗有特色。今晚係星期四，食客唔算好多，一去到服務員就帶我哋坐響一個有梳化嘅4人枱，然後立即上茶及遞上menu。過咗一陣，經理主動過嚟打招呼及問我哋今日有冇想乜同鍾意做乜可以介紹返，我見餐廳有個壽司吧枱，前面放咗d鮮魚，於是叫經理介紹下。佢話佢哋d海產係喺日本築地魚市場每日直送，晚上六點到餐廳。由於我同老公都鍾意食魚，於是就叫佢推介一款，經理問我哋二人嘅囗味，例如鍾意食「冧」d定實身d嘅口感，又推介一魚二食（刺身加鹽燒），於是今次我哋揀咗「愛女」魚試下。落單後，服務員就送免費上餐前小食，賣相十分精緻，味道亦不錯。跟住係十件壽司拼盤，味道十分鮮甜，仲有我超愛嘅Otoro壽司。再嚟就係今晚嘅重頭戲 - 愛女魚刺身，愛女魚肉質鮮味，而且師傅刀功十分好，每件利身都切得好薄，排得好靚。之後就到鹽燒愛女魚，師傅將魚一邊起肉做刺身，另一邊鹽燒，所以燒完上菜仍十分美觀。平時我會覺得唔新鮮嘅魚先會煮或燒熟食，但今次試