影片
更多
2017-10-01
501 浏览
來到週末，本來打算先去睇醫生，順便拿些平安藥，然後就一家人去飲茶。不過由於攞唔到籌，所以決定改變行程，趁天氣唔錯，去行吓山放放電。由鰂魚涌出發，步行上柏架山，沿大風㘭方向走，以東熹苑為尾站。回程時，由於大家都有點累，加上行到身水身汗，所以決定先在附近找個地方吃點東西才回家。在南康街旁邊看見這間粥舖，原來是元朗老字號「新記雞粥」所開嘅新分店，反正還沒想到吃甚麼，就一於不作他選。踏進店，地方雖然不大，而且裝潢簡單，但環境乾淨企理，加上來到時已經過了午市繁忙時間，店內客人不多，可以輕易揀到窗口位坐。翻開餐牌，單是「招牌生滾煲仔粥」就已經有多達 28 款，另外亦有數十款小食、爽滑腸粉、即叫即炒粉麵、飯類、貴妃雞和乳鴿等可供選擇。至於下午茶餐方面，選項都唔少，有生滾粥餐、公仔麵、三文治、乾炒牛河、星洲米、多士等，而且價錢亦十分相宜，由 $24 至 $36 不等。兒子提議先點隻紅燒脆皮乳鴿 ($51) 一齊分享，然後再邊吃邊揀。估唔到隻乳鴿件頭都幾大，外形脹卜卜，體態結實，外皮入口相當香脆且不油膩，連入面嘅骨都有濃濃滷水香。至於鴿肉，食味雖然較淡，但蘸上淮鹽後，味道亦立即提升。接著是一客蜆介鯪魚
在南康街旁邊看見這間粥舖，原來是元朗老字號「新記雞粥」所開嘅新分店，反正還沒想到吃甚麼，就一於不作他選。踏進店，地方雖然不大，而且裝潢簡單，但環境乾淨企理，加上來到時已經過了午市繁忙時間，店內客人不多，可以輕易揀到窗口位坐。
翻開餐牌，單是「招牌生滾煲仔粥」就已經有多達 28 款，另外亦有數十款小食、爽滑腸粉、即叫即炒粉麵、飯類、貴妃雞和乳鴿等可供選擇。至於下午茶餐方面，選項都唔少，有生滾粥餐、公仔麵、三文治、乾炒牛河、星洲米、多士等，而且價錢亦十分相宜，由 $24 至 $36 不等。
兒子提議先點隻紅燒脆皮乳鴿 ($51) 一齊分享，然後再邊吃邊揀。估唔到隻乳鴿件頭都幾大，外形脹卜卜，體態結實，外皮入口相當香脆且不油膩，連入面嘅骨都有濃濃滷水香。至於鴿肉，食味雖然較淡，但蘸上淮鹽後，味道亦立即提升。
接著是一客蜆介鯪魚球 ($42)，鯪魚球即叫即炸，上桌時色澤金黃，而且粒粒 Size 都比乒乓球還要大，賣相吸引。挾起咬一口，既彈牙又香脆，而且魚肉味濃，唯一可惜是沒加進香口的陳皮絲，令食味稍遜，幸好蜆介醬鹹香恰宜，吃時記得蘸點少許，味道會更鮮明。
老公想吃鮮蝦腸粉 ($23)，而我就對香口的炸兩腸粉 ($17) 情有獨鍾，一於每樣點一客。兩款腸粉嘅粉皮，望落去都油光閃亮，各嘗一口，雖稍嫌略厚，但尚算滑嫩，即使冷掉依然 Q 彈。前者夾著彈牙的蝦隻，用料新鮮；而後者炸兩腸，內裡的油炸鬼雖然不算十分熱辣香脆，但蘸點醬汁後，食味亦不俗。
既然店子以「生滾煲仔粥」作招徠，當然要點客試試。本來屬意出名嘅貴妃雞粥，不過老公有點感冒，不能吃雞，咁就一於俾自己留個藉口再訪。改點了及第粥 ($29)，貪其豬肚、豬肝、豬粉腸、肉丸，樣樣有齊，不用傷腦筋。豬雜極之爽口入味，吃得出甚新鮮；粥底綿滑，既清甜又有肉香，加上極大煲，分量十足，就算兩、三個人 Share 都夠食。
結尾來一客郊外油菜 ($27)，選了色澤碧綠嘅蠔油菜心，入口脆嫩爽甜，清淡少油，唔錯。
至於飲品方面，點了凍菊花蜜 ($16)、凍柑桔蜜 ($16) 同凍豆漿 ($9)，菊花蜜味道略淡，一般；反而柑桔蜜和豆漿，幾有水準。前者入口鹹鹹哋帶甘涼、而後者就順滑無渣，豆味濃郁。三個人吃得飽飽，每人也只是幾十蚊，價錢不貴，以後想食靚粥又多個好地方了。
张贴
