無訂位要等10分鐘有枱入座，餐廳好開揚，裝修新潮，百子櫃做裝飾，食物都係一般上海菜！
點知落單後，主菜好耐都未到，追店員時佢話廚房部機有問題，拉麵點心之類無影響，主菜類就要等！
雞絲拌海蜇（$62）海蜇彈牙，汁醬爽口！
花雕醉雞（$72）雞本身幾滑！酒味唔算重，小朋友都可以食！鹹鹹地好味！
醬燒茄子（$62）醬汁好濃杰，沾滿切般茄子，茄子淋身，咬落少許爽口！好味！
酸辣湯拉麵（$50）杰身夠酸微辣，湯料多，幼麵沾滿湯汁，食落好滑！好味！
排骨拉麵（$52）排骨金黃色，上碟切開了，切得薄身，面脆口，但底下比倒汗水沾淋了！幼麵滑身，湯底清爽！好味！
雪菜肉絲拉麵（$48）後加嘅拉麵，雪菜暗綠色，落咗好多！咬落微鹹爽口！幼麵滑身，湯底清爽！
外婆紅燒肉（$78）炆得入味，肥嘅部分彈牙，瘦嘅太厚，所以咬落有啲嚡！汁醬杰身，加上麵筋薄片打結，索咗啲汁！撈飯一流！
婆婆小籠包（$36/4隻）用青瓜片墊底，小籠包皮有彈性，入面好多好熱湯汁，豬肉餡係滑嘅！好好味！
婆婆生煎包（$35/3隻）底部煎得香脆！包身鬆軟，索晒豬肉餡嘅汁！
砂鍋雲吞雞（$168）細細鍋，雲吞幾大粒，皮好滑，菜肉餡多！湯比較鹹，唔係奶白嘅！係濃雞湯！雞肉半隻，無乜味，而且比較嚡！
凍豆漿（$15）幾大杯，夠凍！
白飯（$12）幾鬆軟！
茶位（$5）茶水夠熱！雖然茶味唔濃！
最後嘅紅燒肉係等到大家都無晒飯癮，同店員話要取消，就1分鐘出到！只可以說今日黑仔，店員有禮勤快！可以控制嘅都好爽手！
不能急的一餐！
1
