亞萊泰菜 (已結業)

真係火都嚟！未試過去一間餐廳外賣要等極都冇人理，當時全店只有一枱食客，已差唔多食完，但店內各人都只忙著處理外賣打包。外賣落單只有一位女士可處理，見佢走來走去，唔知忙乜，即使店員已通知佢有客想外賣但都未有理會。還要再等她們安排才剛到來的堂食客入座及落單後，再稍等一會才出來處理外賣下單。原先想叫晚餐+單點餸菜，點知原來母親節節日只有單點及母親節套餐，但佢哋門口2個晚餐餐牌大大個好似門神咁放左右兩邊！如果當晚係冇晚餐提供唔該收埋個牌、反轉佢、用母親節套餐餐紙遮住都可以啩！唔好誤導食客！由我到店再到有人理會下單已近25分鐘，仲要被誤導，我真係堅㷫😡😡😡！即時走人！以為唔會再幫襯！順帶一提，佢哋門口水吧應有長期漏水問題，餐廳門口梯級有水，木地板已被水浸到發霉，易滋生昆蟲木蝨，影響衛生！