影片
好耐之前食过 虽然宜家元朗执咗 但都系想继续支持 听人讲多食泰国野就去九龙城 但其实新界牛表示元朗近近地都有唔错嘅泰国野食 满足下我伪泰gal嘅心首先呢 主食有香菜肉碎煎蛋饭 只蛋上枱仲系半熟 蛋汁捞饭真系一流 啲肉碎同香料味好夹 每啖都有肉碎 食到最后仲有肉碎净 朋友嗌咗金边粉 但唔记得影 金边粉上枱已经暖暖地 有些少失望 但配菜好丰富 芽菜好爽口 就咁食都唔会觉得口感好单一小食方面就嗌咗泰式烧猪颈肉同马拉盏炒通菜 两样嘅表现都普通 猪颈肉肉质偏松散 同埋烧得唔够香 酱料都系普通嘅泰式辣酱 整体落嚟就无太大惊喜无错 两个人食 食到最尾都仲系要嗌个甜品 登登 芒果糯米饭 食10次都必嗌10次嘅甜品 简直就系呢间餐饭嘅主角 饭上枱仲有少少暖 好烟韧 又唔会超痴牙 芒果酸酸甜甜 夹埋一齐系prefect match整体嚟讲 呢间CP值唔系超高 但每道𩠌都好足料 同埋私心讲句 佢地啲碟好靓啊
继续阅读
好遗憾寻晚亚莱泰菜 宣布2个月内会结业，餐厅食物水平超高，价钱又唔贵，真心推荐，会揾日再去帮衬泰式猪手 $48半只够哂入味，猪皮卤到软腍似果涷，有芥兰酸菜拌碟，好丰富泰式鲜虾炒金边粉,如果有蛋丝网卖相应该会更靓，不过都好味咖喱炒软壳蟹咖喱酱好食，软壳蟹啖啖肉猪颈肉生菜包呢个同幻想有出入，我以为系一块块嘅烧猪颈肉，点知系绞碎猪颈肉🤣辣到跳舞，我食唔到，辛苦老公一个KO泰式芒果糯米饭见好多人等堂食，我就叫甜品外卖反家慢慢叹，一打开😳好大盒，竟然有齐紫白2种糯米饭，足料到呢
继续阅读
📍 亚莱泰菜 🚶🏻♂️ 元朗教育路118号地舖🔎 #foodsnap_元朗呢间餐厅我已经食过两次 两次都觉得几好食 值得推介比大家‼️‼️👅 泰式鲜虾炒金边粉 ($78) - 7/10🌟呢个金边粉我已经系第二次食 但觉得第一次食嘅时候好食啲😂 我唔知算唔算正宗 但佢系偏甜 我个人都几钟意😚 而且有3-4只大虾🍤🥰👅 青咖哩 (猪) ($88) - 8/10🌟呢个好好味🤤一向都好钟意食青咖哩 呢到嘅青咖哩偏辣 好惹味！捞饭食就一流 份量都好大😍👅 蒜蓉包 ($48) - 9/10🌟蒜蓉包我哋一致认同好好食！佢就咁食已经好香蒜蓉味 再加上搽咗啲牛油🧈 劲香😍 炸到外脆内软 系必食！！🔥👅 泰式炒芥兰 ($48) - 8/10🌟呢个菜炒得好入味 朋友争啲食到连汁都饮埋🤣🤣👅 猪颈肉生菜包 ($78) - 8.5/10🌟泰国餐厅不嬲都系食开猪肉生菜包 但呢到有猪颈肉生菜包 梗系要试下！众所周知猪颈肉够晒肥 配埋洋葱、生菜一齐食系超夹 猪颈汁烧得啱啱好 佢嘅酱汁都好好食🤤绝对值得一试！必食指数👅💦💦：8/10#黄店 💛大家快啲支持下呢间好味黄店🥰#hkfoodie #香港美食 #香港打卡 #天水围美食 #川菜 #黄店 #天水围黄店 #中环美食 #中环 #寿司 #sushi #香港打卡 #港女下午茶 #元朗美食 #美食 #日式料理 #日式定食 #荃湾美食 #元朗cafe #荃湾cafe #cafehunting #西环美食 #墨西哥菜 #日本菜 #汉堡包
继续阅读
平时见到都多人等位，谂住试下。叫生虾佢话今日冇，都正常，呢D 冇都唔出奇。跟住叫肉碎煎蛋，肉碎粉丝汤，连呢两样都话卖洒😂劲好笑。之后叫左炒蚬，普普通通，唔热嘅，味道比起其他已经叫可以接受。海南鸡，味道正常，但系唔知点解系跟沙嗲酱嘅。跟住精彩喇，船面，完全冇味嘅，d 汤睇落已经劲淡，完全唔系船面汤底。维一似泰国嘅就系得两啖食洒d 粉。令外叫左杯泰国柠茶，劲酸，唔知想点，系唔记得落糖定点。呢间野好伏，唔会再试。
继续阅读
千拣万拣拣咗间烂灯盏，本身喺对面排队食点心，坚系泰国菜加唔使排队谂住试一试。入到去有两台客坐喺度，拣紧食物之际，侍应认同隔离枱客讲要12:30先至可以煮，因为个炉而家试开紧😂当时12:15pm ，虽然赶住接仔仔，但谂住等15分钟好快。而侍应亦建议我哋选择猪手或海南鸡饭，因为已经煮好只需要切🤔，最后我哋选择等，叫咗黄咖喱猪同埋泰式干炒牛河。当待应攞筷子同匙羹俾我哋，真系吓一吓。好似去咗夜冷舖自己攞咁，痴粒粒劲多尘劲旧，筷子头仲生锈🤢即刻叫老公去对面睇吓有位未🤫点知餐饮到咗，而厨房亦开始煮紧啦，咁就试一试啦🤥𠮶碟干炒牛河嚟到，我食咗一啖老公已经知咩料，𠮶块牛干过阿婆块面🤣🤣，韧到阿妈都唔认得，一叠只有颜色但冇味嘅牛河，唯有净系食河粉🥺老公碟黄咖喱猪就仲恐怖，黄咖喱汁冇问题，𠮶块猪可以用柴皮黎形容，完全唔系肉嘅质地🤮，本身谂住咖喱汁捞饭，个饭系难食到形容唔到，又生，一粒粒唔系饭既质地但系系饭既样，真系食到咀都歪。我都知冇图冇真相，但真系嬲到震所以咩相都冇影😑老公话：想入地狱就试吓啦😈
继续阅读