影片
更多
2009-04-04
13 浏览
好想打邊爐，而又好耐未去過apm，而且今晚時間仲早，就想試吓呢間以一人一鍋稻香集團旗下嘅火鍋店 - Hipot。佢同商場其他嘅食肆一樣，多人到嘔，八點去到，要排50個位，火鍋喎，以一枱平均要兩鐘至返枱，真係等死人，最終要等超過1.5hrs至有位。個商場主攻年輕人，連啲食肆都係，佢係以抵食為主，而且一人一鍋gimmick十足，雖然之前以經有人做過，但係今次係稻香集團搞嘅，又有另一種味道。一坐低，發覺啲櫈係fix死咗，呢樣係唯一唔舒服嘅地方。汽水$10任飲，不過要自己出去汽水機攞。醬料都係任攞，又係要自己出去混醬。豉油分唔辣同辣椒豉油，另外再有椒絲可加，再加上生蒜、熟蒜、香蔥、腐乳，基本料都有，係冇XO醬(不過本人唔須要)，最抵死係佢有Wasabi、咖喱汁、花生碎、七味粉，真係咩都有，任你溝。我見有啲人好似慌死冇得囉咁，當咗自己喺以前Pizza Hut堆沙律山咁堆法，真係令人為之側目。馬來沙嗲鍋 & 皮蛋莞茜湯鍋 - 佢地係用兩個好似係屋企煮公仔麵嘅細鍋，而且兩個電子爐係啤死喺張枱面，有玻璃膠圍住，唔驚有水會由啲邊漏落枱低，而且枱底唔會見到電線，唔會阻住對腳。沙嗲味香濃，皮蛋莞茜更一打開蓋
一坐低，發覺啲櫈係fix死咗，呢樣係唯一唔舒服嘅地方。
汽水$10任飲，不過要自己出去汽水機攞。
醬料都係任攞，又係要自己出去混醬。豉油分唔辣同辣椒豉油，另外再有椒絲可加，再加上生蒜、熟蒜、香蔥、腐乳，基本料都有，係冇XO醬(不過本人唔須要)，最抵死係佢有Wasabi、咖喱汁、花生碎、七味粉，真係咩都有，任你溝。我見有啲人好似慌死冇得囉咁，當咗自己喺以前Pizza Hut堆沙律山咁堆法，真係令人為之側目。
馬來沙嗲鍋 & 皮蛋莞茜湯鍋 - 佢地係用兩個好似係屋企煮公仔麵嘅細鍋，而且兩個電子爐係啤死喺張枱面，有玻璃膠圍住，唔驚有水會由啲邊漏落枱低，而且枱底唔會見到電線，唔會阻住對腳。沙嗲味香濃，皮蛋莞茜更一打開蓋真係香到幾里外都聞到呢，佢地落咗大量嘅莞茜，而且啲皮蛋都好滑.....good，最緊要係佢地中途幫你加嘅係湯，絶唔會加水拎煲湯愈食愈淡。
個爐細，雖然火力可以好猛，但加湯後往往要等上數分鐘至可以再煮嘢，幾徙時間。
生料有：
1. 肥牛 - 雖然得十塊八塊，但係呢樣係做緊今期推廣，只需要$8/碟，抵到爛，而且質素有返咁上下，肉味濃郁，同平時食過百蚊碟有得fight。
2. 秀珍菰+鮮冬菰 - 秀珍菰雖然細粒，軟熟，冬菰一般正常水平。
3. 鮮枝竹 - 質素次等，一落水一分鐘你唔理佢，就會開始散哂，冇口感，太軟了。
4. 田園一碗蔬 - 真係超抵，樣樣有啲，份量唔多，啱哂少人嘅我地，有三舊粟米、車喱茄、鮮菰、雞脾菰、白菜仔(不過有沙)、黃芽白、翠肉瓜、南瓜，仲有打邊爐好少見嘅椰菜都有，真係應有盡有。
5. 墨魚滑(一人份量) - 打得爽滑，墨魚味香。
6. 白鱔片 - size啱啱好，唔會切得太厚，肉質嫰滑、肥美，呢種白鱔用嚟打邊爐最好不過。
7. 極級牛肉粒 - 雖然表面覺得好硬，但就算煮得耐，入口仍然軟熟，但因為切得太細粒，冇口感，而且冇肉味，差過肥牛片，仲話係極級。
Comments: 佢地係冇收加一，以呢種價錢、咁嘅質素，絶對超值，就係呢個賣點，以致佢地咁旺，不過真係等得太耐。
张贴
