HIPOT (已結業)

其實上嗰幾次嚟apm我都已經好想入嚟打邊爐，不過次次行嚟都勁多人，要排隊食嘢就一定唔啱我地。今日早嚟到又唔洗排隊，當然即刻入去食啦~我地今日豪豪地，叫左個海鮮邊爐餐~啲食物都算幾新鮮，整體上都唔哦~我地套餐仲包飲品同糖水任食任飲添~當然唔少得添醬區，種類都好多呀~嘩哈哈...開餐了，依個小小豬都不知幾興奮，仲開心過我呀~真係唔好睇少依個套餐，嗰一個海鮮盤，都算總類多之餘，佢嘅分量都唔少，我地三個人食都飽飽咁離開，超級滿足呀！

世上最搵笨之事，莫過於花時間坐交通工具由A地至B地。無奈身為東涌人，經常被搵笨。今天因為要去觀塘拿修理好的眼鏡，所以又要花血汗錢(車費)和生命(時間)過去。然後老父老母想和我同行，理由是像小貓小狗般，想和家人一起散步出外走走。( ͡° ͜ʖ ͡°) 於是，被搵笨的人增加了兩個，還要在外面吃個晚飯。Hipot晚市6時開始。打邊爐應該很受歡迎，但奇怪的是沒什麼人等候，我們是第一組拿位的家庭。侍應姐姐安排我們坐又闊又舒服的卡位，然後給點菜單。我跟她說三位火煱放題，姐姐回應：放題要九點喎。恍然大悟。於是把餐單翻來翻去，考慮怎樣吃得飽而又不失荷包。姐姐經過幾次，終於忍不住建議我們點$368海鮮二人餐，保證一定夠吃，還說單點一定貴到掉淚。二人餐有二個煱，還包任飲飲品和糖水。至於第三個人，加個$12的任飲就好。於是食材沒兩秒就上菜了，不用等待把海鮮從海中捕獲。爐也很快準備好。ヽ(́◕◞౪◟◕‵)ﾉ 蝦呀！蠔呀！象拔蚌呀！肚餓的三小孩立即開動！不過，是有點失望了。因為海鮮沒有應有的海水味。肉質有點嚡，有點硬，無味。其他的菜也是一樣。疏菜沒有很新鮮，但不致於壞，最慘的是要深愛玉米的我，吃下不甜的玉米。(❍ᴥ❍ʋ

去apm行街，見有時間，又正到了食飯時間，我同朋友去左hipot打下邊爐！話就話而家有三十七度好熱，但我都係喜歡食下熱野，食下菜丫，打下邊爐咁，好似健康又好食。我地兩人嗌左份海鮮鍋，上碟發現原來都幾大件，雖然底有好多菜丫，烏冬等等，但其實都ok，因為本身都喜歡食菜，而海鮮方面，就有青口，帶子，蝦，蠔，花膠都有，但味道一般，吾係話好新鮮，另外我地嗌多碟肥牛，肥牛都幾靚，吾錯，食落都好有牛味，最後兩人全部都食得晒，幾滿足！食到暖粒粒！

下午和敏敏，華仔都心思思想吃火煱，港人的習慣就是開着冷氣打邊爐。，一人一焗的Hipot 就有着這樣的好處，大家都可以選自己的湯底，這樣真的可以滿足自己的愛好!到了二時半，開完會，大家肚子都咕咕声的，我們立刻跑上六樓Hipot 開餐了!下午茶比午餐祇平了2元，我們三人都叫了花膠帆立見涮涮鍋，我們急不及待拿了三杯酸梅湯，今天效率超低，待應生要廿分鍾才把火煱料理奉上，我馬上把烏冬放到湯裏，帆立貝很大，但其它食材偏小，如廣島蠔和花膠，象拔蚌很新鮮，很爽口彈牙，但份量很迷你，加上水餃，車打豆腐和蔬菜，都是女孩子的份量!幸好敏敏，華仔和我三人在減肥，所以說還可以吧! 不得不提，酸梅湯調製得不錯，很酸很解渴，我們大家喝了2大杯!

夜晚同班fd打邊爐就話成日食，但你有無諗過，晏晝都可以打邊爐呢？我就未諗過真係會發生。前果幾日，同個fd係apm睇戲，見仲有大把時間，就係附近睇下有咩野食，咁岩見到有間可以係晏晝打邊爐既鋪頭，對於一個咁中意打邊爐既我緊係二話不說去試喇！！佢得兩個套餐，我試左有雞肉既果個套餐，呢度打邊，可以出去揀自己中意既湯底，再加落去自己既鍋入面，好得意啊！！而且仲有氣水任飲！！呢度既雞肉真係好好食，煮完食落去仲好滑，好好食啊！！而且如果個set唔夠食，仲可以加料tim！！好好好好好味啊！！

HIPOT就係稻香既年輕路線,一人一鍋之類既食法,所以我基本上無興趣去食,但係適逢要係觀塘搵食,下定決心黎APM試一試,人要勇敢一點如果單叫,配料由$18-48不等,但係有套餐既一坐位,服務員極力推介呢個餐,我相信係上頭下了ORDER推廣吧,睇過內容,係有8兩既安格斯牛粒,什錦炒飯,新鮮時菜,$38以下配料自選三款(自選湯底醬料)和自助吧飲品,TOTAL$338,感覺上好似幾抵食,就試下啦自助飲品吧大致上有圖上既種類,沙冰好難飲,味道好假,涼茶類如酸梅湯可能係比較好既選擇,雖然很淡,但係實在唔想飲汽水.我只係想飲冰凍既無糖茶自助醬料都係大路東西,食火鍋最緊要有蔥,蒜,豉油配料簡左雲吞,皮極厚,連帶份量也不少既,姐係皮又多,餡又多滑牛就係食落很軟熟,牛味就無咩個種鯇魚骨腩骨大大支,肉比較肥,魚味較重的位置沙冰真係好恐怖,比起便利店既質素30%以上呢碟就係牛粒,老實說就係你去火鍋店叫既牛粒,不知道有什麼分別服務員會教你煮一次,將牛油下鍋加熱,放哂所有配料整到牛肉熟左加燒汁就食得,味道就係燒汁牛粒吧,有什麼分別,而且牛粒既質素一般,一來脂肪分佈不平均,二來無解凍,三來很韌,新鮮的不會,好在燒

一直都好想試hipot 1人1鍋的味道可惜晚餐過來1定大排長龍~星期6放半日 過黎試食lunch~爭扎左好耐 一人邊爐 會唔會比人歧視？但睇以往食評 很多男仕也會把讓到這裡一人浪漫~下午茶$48 不加一 哇殺 超低~去到不用等位就安排入座 服務員態度很好因為我未試過黎呢度打 原來湯底 野飲都要自助的!小心財物 ~ 好多款湯底選擇 (沙嗲，麻辣，番茄，龍蝦)調味自己出去搞~ 烏冬是整包給你 好衛生 噹噹牌的！食物配料不是太多 不過女仔1人是足夠的，海鮮我覺得不太新鮮了~但你想想這個價錢 就是正常的 ~ 菇菜裡 就新鮮 不會比黑點點 爛的~雞肉沒有雪藏味！丸裡雖然不是手打但不是平野粉味的。我想他會是我到apm午餐的選擇 我今天又再光臨。

突然想食打邊爐，見到HIPOT，MENU都未睇未知係點食就走左入去，一入門口見到自選拌醬就以為係任食，原來係逐碟叫或者叫套餐。(套餐已包兩人湯底，任飲)原來呢到係每人俾一個清湯鍋，因應個人喜好去選擇沙嗲、蕃茄、龍蝦、豬骨或麻辣湯底。我選了沙嗲，男朋友選了龍蝦，個人覺得沙嗲湯比較香濃，而龍蝦湯較清。我們叫了兩人餐，都幾抵食喎二百幾蚊，每款都係雙數唔洗爭象拔蚌好鮮好爽，牛肉滑出乎意料好味，蝦好味好甜，花膠拎黎煲湯到最尾食正!!不過螺肉就好UN就麻麻地。另外有一大盤野菜雜菇，值得讚係菜係新鮮唔係俾啲爛晒既你。***************************套餐包括和牛，上枱覺得不太吸引，放入口我同男朋友對望，牛好香好滑，係堅正既!!不過好似MENU無呢隻牛叫??想再食都冇??唔知係咪睇漏眼呢***************************我們再額外叫了炸魚皮同生蠔，炸魚皮唔好食，生蠔新鮮三十幾蚊滿意!*************************套餐還有一包烏冬一包超力米粉，飽到食唔落。

今餐無乜點影相，因為實在太攰，而Hipot真係無諗過寫，所以無乜影！一行十人响觀塘工廠區，玩完逃出密室（成功逃出！Yeah!），見到條街好多好吸引的傳單,我地“貢”左上去工廠睇，越睇越多間，我地掃左兩層店呢！ 今晚有點凍凍的，大家一致的要去打邊爐！觀塘區真係唔熟，openrice底下，search apm,search到兩間，我地揀左Hipot.原來呢間無任食嫁喎！但呢間野啲火煱配料平到笑，尤其係菜類，幾款都係十八蚊！湯底又只係三十蚊wow...肉類（豬，牛，羊）都切得好薄，我地每次都要夾兩三片落先得，如果唔係唔覺食緊肉咁T_T.我啲朋友最鍾意佢個魚麵，因為佢地覺得份外彈牙（但我本人無咁嘅感覺）。而我地比較一致既，係佢杯椰汁沙冰，椰味香濃做成沙冰，有涼涼的綿綿感，食火煱時飲又唔感好凍，好味之餘又爽！我無就住叫，飲品糖水任酙，坐得舒服食得飽足，每人都係$104.超抵！

又係想打邊爐嘅日子，又黎食hipot，一早到唔使等位。服務依然欠奉，零笑容。除左落單，所有野都係自助。先去自制混醬一碟，唔知係咪早無乜人，啲醬料今日好整齊，枱仲好乾淨。叫番上次嘅羅宋湯底，好味又特價。珍珠山根，一大盤，無油益味，唔錯。菇，又係一大盤，好爽口。響玲卷，有六條，兩個人食太多啦，好漏。菜，好翠綠，新鮮。肥牛，超薄切，都ok嘅。芝士丸併魚皮餃，芝士丸現醒街市野，無特別。魚皮餃好味，唔油又飽滿。象拔蚌片，份量少啲，但好鮮甜。鯇魚片，得幾片，仲要好暒，唔好食。唔要任飲就會無野飲，水都無杯，呢樣要改進啦。

突然火窩引起，來到了hipot，時間尚早不用等位，good，平時見呢度成日排滿人架。限時一個半鐘，唔算好趕，慢慢睇下order紙，款式唔多，都係啲大路野囉。啲料好快就黎了，睇落幾新鮮，可惜湯底遲遲未到，有得睇無得食。再三吹單，終於到了，冰的，有排煲。等等等，食得。紅薯粒，八蚊一大碗，爽口彈牙，跟一般酸辣粉店差唔多，幾好食。唐生菜併菠菜，又係大大碗，洗得乾淨。新鮮爽甜，食多啲菜好吖。打邊爐一定要有肥牛，超薄切，但尚有牛味，肥瘦比例適中。魚皮餃併芝士腸，不是粉頭腸，餃亦沒太油。吃過一啲任食嘅舖頭，用假嘅魚皮，餃得皮包油。呢度啲ok。珍珠山根，細細粒，無油益味，又唔算太油，整得幾好食喎。四寶丸，無乜特別，比較有印象嘅係黑椒牛丸，黑椒味好香。蜆，好新鮮，一碟有廿隻，價錢都幾抵嘅。不過唔太適合打邊爐，撈返上黎一定係殼還殼，肉還肉，而且粒肉成日唔知去左邊。湯底要左特價嘅羅宋湯，油左啲，但真係幾好味，甜甜地嘅蕃茄味，又有少少辣，攞黎飲都得，哈哈。加十二蚊可以任飲同任食甜品，不過無興無加到。醬料都好多野揀，有辣醬，麻醬，腐乳醬，酸汁，豉油，蔥，蒜，辣椒等，自己搞，你想要咩混法都得。港式店，服務欠奉，侍

其實好耐之前成日去APM睇完夜場都會經過呢間HIPOT，每次都咁鬼香但N年之後今日，我終於係打風既晚上接完BF收工就去打下邊爐 等左半過幾鐘，終於有位  但有好多人仲等930先食，可能會再平D啦 。 睇一睇個MENU，15蚊一個鍋，幾抵wor  但好細，2個人一齊用係可以的，如果多多1個都係要多個鍋好  湯底係清的，料就係出面自己加，食材就唔係太多選擇。 最後總結，佢地收1點，普普通通食下唔錯的不過我都係試第2間

年幾前與友人經過被這一人一小鍋所吸引。是日男友和最曉食到了觀塘看電視。碰巧兩人都有想火鍋的意欲。餐廳是用自助式取票。約十分鐘後便有位了！坐下後，位置都算舒服的。不會很擠，就算與另外兩人搭枱，也可以有私人空間。餐牌上有三個餐供選擇。而我倆便選了A和B，再另加一客肥牛。很多款食物呀！有肉也有菜，還有烏冬！材料都算新鮮。醬料是要食客到外面調教。有最基本的醬油，還有辣椒碎，蒜粒，蔥粒，沙嗲醬，麻辣醬… 很多選擇。飲料也是自助的。有利賓立，豆漿，酸梅湯，汽水…食物味道方面，烏冬很煙韌，完全吸收了自己調製的醬汁，把平平無其的烏冬加了色彩和味道。所有選擇也算多。菜的份量也不小。有不同款式的丸。有一粒咖哩餡的丸，濃濃的咖哩味。還有芝士丸，龍蝦丸等。牛肉也不算太肥的那一種，讚！原以為要額外再點食物，但尾聲時兩人已吃到飽呼呼！想有一個價錢便宜，可以讓你填滿肚子，簡簡單單的一個火鍋午餐。這是一個不錯的選擇。

星期四同媽咪經過apm搵野食，點知見到Hipot有宵夜放題都係$98之前食過午市套餐，都唔錯，決定一試!九點開始，我地八點十拎飛，等到九點三有位，一人一爐湯底得一種?當然唔係啦，可以自由選擇湯底醬的，有高鈣大骨醬，番茄醬、沙嗲醬同酸辣醬，我就鐘意番茄醬啦!醬都係自由配搭，辣椒絲、蒜茸、麻醬，仲有腐乳飲品任飲，有汽水、酸梅湯，仲有茫果沙冰甜品有熱芝麻糊同生薑杏仁糊終於到食品啦~上野比較慢，可能因為係一批批出，就算出左一碟，員工都會等到夠成盆先派發到食客面前食物都算有多選擇，肥牛、鮮牛、菜，出前一丁、薯粉、芝士腸，依D正常火鍋有既都有海鮮有三文魚骨腩、花膠仔、元貝仔同蝦呀!仲有蠔!不過蠔雪到結冰，要煮耐少少年先好食呀不過通菜好快無晒，鐘意通菜既朋友記得一開始叫多D先，仲有牛滑都係!食物乾淨，只是生菜連爛既都上碟，要自己揀菜最令我驚喜既係有剌身，味道當然不及日本料理個D啦，但可接受不過唯一可以改善既係可填件數，依家係根人數俾，兩人就每樣兩件，有時想食多件又要劃過，用好多order紙今餐算唔錯，值得一試，都會再食過

見到佢係稻香集團,邊爐水準一定有返咁上下啦~點知.................. 兩個人點左一個宵夜餐 ($88),一個鍋, 3 碟生料, 飲品任飲.雞煲翅湯底 - 雞還雞, 翅還翅, 水還水.... 一d雞湯味都無.... 連放粒雞粉敷衍下都懶得... 自助吧果 d 湯底調味仲厲害! 足足加左3碗, 個湯底依然一d 味都無! 用筷子試下個果 d 汁, 原來一 d 味都無既...... 痴線~ 仲衰過濃湯寶!田園一碗蔬 - ok, d 菜洗得幾乾淨新鮮滑牛 - 成陣鬆肉粉味魚皮餃 - 個皮厚過我面皮另加炸枝竹 - ok麵根 - 一陣油益味豬仔肉 - 成陣鬆肉粉味鵝腸爽 - 我真係唔知咩野係鵝腸爽, 只知道 hipot 既鵝腸爽係用梳打粉做 (附圖)service.... 正如之前既食評一樣,只有個 manager service 係好 d!我真係唔明, 而家 d 優質旅遊服務係點評選架~!~!~!大 x 樂 d 火鍋仲好過佢!