蛇王林 (已結業)

等左大半年，源于今年5月我入到舖头，老板问我做咩，食蛇啊，半年后先翻黎啦！ 咩话，半年，人就是这样，越得唔到就越想要，我的确等左半年，天气冻之下再次踏入蛇王林既大门 ，舖头外已放左一块手写既木板，蛇羹$55，今次有得食喇  由于店舖只系独沽一味「蛇羹」，所以坐低都唔洗叫，老板先自动自觉拎左碟柠檬草+脆片，最后蛇羹都随之送上，放上柠檬草同脆片搅拌几下，发现同我平时食既蛇羹唔同，比较水，放入口一刻，出事喇，辣亲嘴，大家小心喇！！吹一吹再次放入口，一阵味道接受到既中药味，但食到柠檬草一刻又恰如其分，令中药味降低仲更易于受落，还有食落很爽既木耳丝，陈皮丝，姜丝好，脆片等. . 好足料呀，当然唔少得主角蛇肉啦!蛇肉份量都有不少且有咬口!应该无混埋其他肉类现在系外边食蛇羹有部份会用冰鲜蛇同混小小鸡肉猪肉,而呢度系用新鲜蛇，食紧果时见佢㓥紧蛇羹味道虽然唔系好重，系寒冷既天气下一碗蛇羹有无料到一定测试到，不消五分钟已食完 原本寒冷既身躯亦随之发热，此蛇羹实属御佳品