影片
更多
2024-03-28
11 浏览
已經第四訪，水準穩定，價錢合理！多款燒鳥款式，例如雞肝同雞，亦有比較少見嘅牛骨髓、牛胸爽，值得一試！餐廳係日式居酒屋格局，設有吧枱同卡位，環境闊落。每款串燒都有唔同嘅調味，變化款式多，食到最後都唔會單調😋 中環區嚟講價錢相宜，難怪咁多捧場客🍻 去到八點已經座無虛席。✨汁燒赤雞心 $22 👍🏻醬汁香甜，有少少似雞腎嘅味道，但口感更嫩滑多汁。✨蜜糖燒雞中翼 $18 👍🏻蜜糖醬清甜而不膩，外脆內軟嘅肉質，每次都必點嘅串燒款式。✨鹽燒原塊雞皮$22 香脆，好似薯片咁脆卜卜，油味較濃。✨厚切鹽燒牛舌芯 $48 厚切口感，有嚼勁。✨滑潺潺韓式牛骨髓 $28 未食過串燒牛骨髓，膽粗粗挑戰下，真係滑潺潺既口感🥶 我唔特別欣賞，大家有興趣可以試試！-✨鹽燒日本銀杏 $24 👍🏻👍🏻鹽味作輕輕點綴，最正一定係銀杏既Q軟口感🤤-✨汁燒橫膈理肌 $28 👍🏻甜甜既汁燒，香軟多汁，肉味香濃，好食🤤✨手切牛胸爽 $22 一向都好鍾意牛胸爽，但第一次食燒牛胸爽，油香滿滿。✨浜燒活元貝 $116 (2隻) 👍🏻👍🏻醬油係靈魂，加埋蔥絲更香更濃，令我諗起蒸魚😋 活元貝口感爽滑彈牙，鮮味十足，唔會燒到乾柴兼縮埋一舊，
已經第四訪，水準穩定，價錢合理！多款燒鳥款式，例如雞肝同雞，亦有比較少見嘅牛骨髓、牛胸爽，值得一試！
餐廳係日式居酒屋格局，設有吧枱同卡位，環境闊落。每款串燒都有唔同嘅調味，變化款式多，食到最後都唔會單調😋 中環區嚟講價錢相宜，難怪咁多捧場客🍻 去到八點已經座無虛席。
✨汁燒赤雞心 $22 👍🏻
醬汁香甜，有少少似雞腎嘅味道，但口感更嫩滑多汁。
✨蜜糖燒雞中翼 $18 👍🏻
蜜糖醬清甜而不膩，外脆內軟嘅肉質，每次都必點嘅串燒款式。
✨鹽燒原塊雞皮$22
香脆，好似薯片咁脆卜卜，油味較濃。
✨厚切鹽燒牛舌芯 $48
厚切口感，有嚼勁。
✨滑潺潺韓式牛骨髓 $28
未食過串燒牛骨髓，膽粗粗挑戰下，真係滑潺潺既口感🥶 我唔特別欣賞，大家有興趣可以試試！
-
✨鹽燒日本銀杏 $24 👍🏻👍🏻
鹽味作輕輕點綴，最正一定係銀杏既Q軟口感🤤
-
✨汁燒橫膈理肌 $28 👍🏻
甜甜既汁燒，香軟多汁，肉味香濃，好食🤤
✨手切牛胸爽 $22
一向都好鍾意牛胸爽，但第一次食燒牛胸爽，油香滿滿。
✨浜燒活元貝 $116 (2隻) 👍🏻👍🏻
醬油係靈魂，加埋蔥絲更香更濃，令我諗起蒸魚😋 活元貝口感爽滑彈牙，鮮味十足，唔會燒到乾柴兼縮埋一舊，出色！
✨焦糖青蘋果鵝肝多士 $108 👍🏻👍🏻
令人覺得幸福嘅食物🥹 鵝肝油香豐腴，入口即融，令人回味。
✨鰻魚炒飯 $58
$58 嘅價錢竟然有成座山咁高嘅鰻魚炒飯😱 四人分享都仲得，非常抵食，味道不俗。
✨蜜糖燒芋頭 $12
有五小片芋頭，略嫌蜜糖甜味不足。
-
✨日本芝士年糕 $38
就係芝士年糕嘅味，即叫即燒熱辣辣，唔會難食！
张贴
