Le Viet

营业中

休息中

第二次食呢間「越南仔」，之前食都要等位，因為疫情限聚令既關係，今次去到就有位，不過得2個人食唔到多餸有少少遺憾。食越南野梗係要嗌返杯椰青，好fresh好清涼，如果夏天飲一定好爽。呢碗火車頭粉，有唔同既餸，一次過滿足到多重願望，牛腩牛柏葉牛丸，仲有就係生牛肉！上到枱熟度啱啱好，大概3-4成，有小小入口即溶既感覺，配埋個清清地既湯底，香而不膩，搭上新鮮既洋蔥，味道提升左唔少。另外叫左一碟三種串燒，火候啱啱好，沾上沙嗲醬，完美配搭！椒鹽軟殼蟹一上枱既感覺就係成座山咁高，份量同你香料十足，好有越南風味，蟹肉都炸得外脆內軟，趁熱食非常可口，最緊要係蟹肉入面仲有蟹膏，完全無令我失望。最後叫左碟椒絲炒通菜，唔好睇佢好似冇咩特別，食落其實好入味，有蒜香味得黎辣辣地。