日日香鵝肉飯店 (淘大商場2期) (已結業)

【日日香鵝肉飯店】是國內汕頭名店，在香港開了七間分店。今日去淘大商場，順便食個early lunch。滷水檔當然設在店舖門口，以吸引路人注目；這個也是典型港式燒臘檔、傳統粥粉麵店及潮州滷水小店的格局。透過大大塊玻璃見到了一隻隻巨型潮州獅頭滷水鵝，砧板枱面上又擺滿了一碟碟滷水美食，自然引人垂涎三尺，超大隻滷水鵝翼最為吸引。 十一點半未到午飯高峰時段，餐廳座位不太多，但是已經坐滿客人，好熱鬧 ……之前去過中環分店及北角分店，今次去九龍灣分店，唔知價錢是否一槐樣？這個全日滷水飯套餐都抵食，套餐有8款 $62~132，包括餐飲。【滷水鵝片飯 + 熱奶茶 + 鵝骨湯 $78】飯面舗滿餸菜，除了滷水鵝片，還有潮州鹹菜、半隻滷水蛋、滷水豆卜及潮式滷水扎肉；賣相粗獷、充滿庶民風味，令人聯想五、六十年代香港經濟起飛前低下階層的大碗飯。 鵝皮腍滑，又已經切走多餘脂肪，餘下的鵝脂厚薄剛剛好，可增添鵝皮香氣。鵝肉軟滑、冇渣，又有咬口及鵝香；只略嫌滷水鹹香味道唔夠濃郁。作為潮汕滷水鵝專門店，味道在平均水平之上，但又唔覺得特別出色。滷水味道稍為偏向清淡，滷水膽香氣唔夠明顯。另外加$9 有盅鵝骨湯。平時在家都不會煲