中華小館

营业中

休息中

之前同屋企人嚟呢度食過夜晚，覺得唔錯，都拎得出手，所以今次推薦咗比boss同同事，同佢地一齊嚟聚餐。想知有咩推薦？睇落去啦👇🏻蝦子柚皮可能係餐廳最有特色嘅一個小菜，老闆一睇menu就睇中呢個菜，話佢好耐之前食過，一直無機會試返，今次竟然又見返好懷念。上到嚟見到金黃嘅色澤，好衝動咁想夾起佢擺係口入面，但係突然唸起有同事係度，都係忍住咗。👆🏻👇🏻惹味牛雜佢無呃人，真係好惹味，尤其係蘿蔔，吸曬啲滷汁嘅味道，仲有啲牛嘅香氣，至於牛雜，唔會有令人反胃嗰陣腥味，連我呢個唔係好常食內臟嘅人都食咗好多，可試！👆🏻今次氣氛比較正式，所以唔係好適合影相，淨係影咗一張全家福，大家請見諒。