間嘢好坐，我哋坐圓枱，半圓梳化位，半圓普通座椅，幾舒服，裝修都幾好，聚餐嚟講環境係幾舒服嘅。
食物我諗真係個人口味，其中嘅椒鹽跳跳魚，椒鹽惹味但整體真係唔及大排檔或酒樓嗰啲椒鹽九肚魚，有碟好似咕嚕肉嘅嘢，好普通，唔及咕嚕肉，有個海鮮長壽麵，呢個鍾意食麵嘅話都 OK，仲有半價嘅黃花魚，39蚊一條算幾抵，啲魚肉都嫩，一碟類似煎蠔仔餅嘅嘢，好食，但比起食開嘅大排檔煎蠔餅，或者潮州煎蠔烙，我會鍾意前者多啲，但都值得試嘅。
總體呢間嘢都係 環境 4.5分，味道 3.5分，價錢 3.5分，服務 4.5分
會唔會有第四次幫襯？試過3 次已經確認咗自己唔極力欣賞呢間嘅食物，所以唔會主動安排呢間為飯局選擇。
星加坡人好懂得包裝。
