金鶴拉麵 (九龍城道) (已結業)

見openrice排行榜有佢份睇落裝修又幾靚，好似高級餐廳嘅拉麵店原來金鶴拉麵係一間主打雞白湯嘅拉麵店餐廳裝潢華麗而有貴氣，好日本feel，相當特別！香港多數都係食開豚骨湯底，而雞白湯底就好少見，所以非常值得一試。而係香港更加已經開咗4間分店，見到好多報章都推介，所以今日就黎咗位於土瓜灣嘅分店啦！呢間都有吧台位，可以清楚睇到師博製作拉麵，感覺上吧台位置更有氣氛。 我地叫咗個金鶴雞白拉麵，佢個湯底要煲6個鐘先出味，利用日本赤雞、素菜、鰹魚等熬製，再用攪拌器打到湯底起泡便成湯底濃稠，入囗鮮美，微微黏口，甜而不膩。加上店員會建議炸牛蒡唔好浸湯，咁先會又脆又好食。同埋個溏心蛋麵整得啱啱好，無過熟或過生！而醬油拉麵就相對普通，湯底較清，如果鐘意淡d呢個拉麵都唔錯。同埋醬油拉麵都有兩塊日本赤雞，真係好食過塊叉燒好多！我地仲叫咗兩個小食，分別係炸雞同明太子雞翼。炸雞有3件，上到枱熱辣辣，又香又脆，蘸埋鹽食都幾正。而明太子雞翼有2件，外皮好脆，一咬開就係啖啖嘅明太子，辣辣地，好開胃！