意粉屋 (已結業)

為左第一百篇食評，當然要選個好地方開飯。想想下，不如用我既"飯堂"做第一百篇食評啦。今日去到十二點都未夠，人又小，坐得舒服。忌廉湯今日係粟米火腿湯，都幾好飲。蒜蓉包今次爭啦，油左小小但都幾香。鮮蝦闊條麵(卡邦尼汁)個麵好足料，又好多蝦。有煙肉個麵到，口感唔錯。個汁係芝士火腿意粉既汁，但我覺得個汁唔夠火腿芝士意粉既濃。不過個汁都還可以既，濃小小就更好。西西里陽光出左唔係好耐既特飲，我覺得杯飲品做得好有心機，真係同藝術品不遑多樣。我飲落去，個口感好清新，又唔係太甜。個面有沙冰，夏天飲真係消暑良方。果然係我既飯堂，只要繼續保持水準，我一定會多幫襯既。