蠔酒吧

营业中

休息中

今日同兩位好朋友來到蠔酒吧~ 期待已久!! 入到喜來登，我同朋友都搵左好耐先上到去....原來佢既升降機只去到17樓，要再上一層先到餐廳，但標示得唔清晰。上到去，我同朋友都分別行錯左方向.... 想去既朋友要多留意.....唔好好似我地咁搵咁耐......入正題啦! 景，一流；環境，都唔錯。佢既形式係，冷盤、甜品任攞，然後有餐牌。餐牌有兩類:一種可以任叫；而main dish 就只可以叫一次。1) 冷盤: 凍蟹、龍蝦仔 (我覺得呢樣麻麻地)、凍中蝦、生蠔(一set有5款，係任食，落order 要幾多set，返埋位等就得架啦~)、煙三文魚(呢個勁正!!係即係切架!!!)、魚生 (都好正! 尤其係赤貝同蝦)2) 任叫menu: 唔同類型既egg (有scramble, 有黑松露炒蛋...等)、焗蠔 (有兩款: 芝士煙肉焗或芝士菠菜)、龍蝦湯......3) main dish: 有煙鴨胸鵝肝、焗龍蝦配香飯、牛柳等4) 甜品: 意大利芝士餅、棉花糖 (有師傅即場整) 食物大致上好新鮮....個人最鐘意係煙三文魚同魚生......龍蝦香飯都好正! 佢地好有心思，將龍蝦既鉗都放埋落去個殼度.