有幾日復活節假期 輕輕鬆鬆去咗 #荃灣
食呢位係 #荃灣廣場 對面嘅 #鮨一
── ✦── ✦ ── ✦ ── ✦ ──
ʚ #蟹肉牛油果凱撒沙律 ɞ
牛油果撈蟹肉沙律感覺新穎 真係有一絲絲蟹肉
估唔到牛油果配上濃濃既蟹味係幾夾
ʚ #魴佛魚薄切 (半份) ɞ
魴鮄魚第一次吃 肉質鮮美感覺都似鯛魚刺身
店員仲提我用 #OpenRice 訂位有8折
ʚ #特上十貫目 ɞ
每件即場人手製作 刺身厚身魚味鮮甜都係基本
但我特別推介火灸左口魚裙邊 油脂充分入口即溶
ʚ #鹽燒油甘魚鮫 ɞ
燒油甘魚鮫魚皮香口 肉質鮮嫩多油多汁
配埋佢個柚子豉油 令到呢個魚鮫好多層次
ʚ #清酒煮蜆 ɞ
清酒煮蜆都無得輸 蜆肉大大粒
最意想唔到既係個入哂味既白蘿蔔
蘿蔔肉又林又有蜆既海水鮮味
ʚ #鹽燒牛舌串 #鹽燒黑豚腩串 #雞中翼串 ɞ
牛舌爽口生熟度剛剛好 好爽口
黑豚肉肉身彈牙 肥瘦均勻
「燒雞翼，我鐘意食」
雞翼用小小鹽去調味已經好好食
── ✦── ✦ ── ✦ ── ✦ ──
