蟹膳 (已搬遷) 新店位置

3年前黎過一次，今次再返黎食，唔單只保持水準，仲不停提升水平，好野要寫低，介紹介紹！叫左海膽套餐，海膽質素超班，加上唔會搶左主角蟹肉既風頭，好match!香箱蟹：呢種蟹係時令食品，唔係成日食到，第一次食就愛上。一啖食到拆好既蟹肉、蟹膏、蟹精華，濃濃既鮮味，一食難忘。只需200蚊，超抵👍🏻👍🏻👍🏻環境：一流，上次坐閣樓，今次都係，好似包房咁，靜靜享受美食。蟹肉加海膽，中間隔著流心蛋，有唔同層次，菜式設計花心思。蟹保證鮮甜，加上唔同食法，每一道菜都有驚喜。分量都算多，最後黎埋蟹粥，乜都夠。服務：一流，咁arm得我地一家坐樓上，有一對一服務，好貼心，值得一讚💗 雖然係貴左d，但真係冇得彈，節日慶祝係幾好既選擇。