越棧越式湯粉專門店 (已結業)

早幾日同女朋友親親大自然，去嘉道理農場行山兼賞花。行左差不多五個鐘，搭車落山之後首要任務當然係補充體力啦！

係新達廣場快快腳行左一轉，最後就抱著試下新野既心態入左睇落不錯既越棧。坐底之後叫左個咖哩牛腩米飯，配埋一杯凍檸樂。

等左五分鐘左右，服務生好專業咁用一架靚仔餐車送左食物黎。餐點一擺好，陣陣咖哩味即刻傳埋黎，我當堂食欲大開，起筷！

由於實在太肚餓，所以未有細細品味🙈

但！係！ 越棧既牛腩真係幾唔錯👍🏻煮得好入味，而且肉質唔會太韌，一啖牛腩一啖飯，啱啱好。

最後靜雞送張行山影既靚相比大家😆