越棧越式湯粉專門店 (已結業)

今天又是下午茶的時間，來到大埔墟站，經扶手電梯直上商場，感受到＂三國鼎立＂的氣勢，原來正是三間連鎖食肆左中右的站著，向我招手，分析形勢後，往中間直去，平時比較少光顧連鎖食肆，有些時候為了方便就腳但是無妨…走進餐廳，感覺光猛，座位佈局有序，黑色及黃色的座椅，簡約而有格調。點選了招牌菜＂生牛肉＂配上＂金邊粉＂，送上來的時候，牛肉仍然呈現半生熟的狀態，喝一口湯，先嘗到的是濃濃的牛骨味道，後來卻是偏向咸味較重的感覺；咬一口牛肉，厚度適中，軟滑，易齒開，味道可以，吃一口湯金邊粉，爽口丶軟硬適中；另外，牛骨湯中還包括：芫荽丶香蔥丶生洋蔥丶白蘿蔔等配料。還點選了一杯特色飲品＂斑蘭青檸梳打特飲＂，飲一口，超級濃烈的斑蘭味道直上味蕾，感覺是奇怪的味道，也許＂斑蘭＂跟＂青檸梳打＂真的性格不合罷了。時間轉眼來到用餐後的半小時，我的感覺是非常口渴，然後餘下的半天仍然也是非常口渴，這是否濃湯帶給我的後遺症？感覺不快丶失望。生牛肉湯金邊粉＄40，可選配，湯河/撈檬/湯檬/金邊粉/紅米飯/白飯。斑蘭青檸梳打特飲套餐加配＄4…Read More

LUNCH 就間唔中出下嚟食飯啦今日就揀咗越南嘢!  三個女仔入到去叫咗一個套餐, 我哋叫左一個牛肉河粉, 一個豬扒河粉同埋豬頸肉。另外叫咗小食叫咗呢個蓮藕, 一個生菜啦同埋有一個蒸粉包!!過蓮藕超級好食, 我唔知裏面有啲乜嘢, 但係真係好好食!!! 如果人多嘅話建議叫一個小食, 因為SET 既一份係唔夠食嘅! 另外嗰蒸粉包好似有啲似潮州粉果咁樣, 都好好味呀!! 啲河粉就一般啦, 但係啲湯都好味嘅!! 個豬頸肉好食D, 畀個豬扒太硬知呢度嘅人手超級不足, 各位將就下啦…Read More

見到咁多人講到間餐廳 d 服務咁差, 咁我算好好彩, 等位唔算耐, 個職員態度 ok 嘅。早幾日去食, 大約等左 20 分鐘就有位。點了春卷撈檬, 生牛肉河, 粉卷, 加多幾蚊餐飲就可以𨍭特色飲品, 我揀了 my favourite 珍多冰, 鍾意綠色ㄧ條條類似啫喱嘅嘢 (其實我唔知果 d 係乜東西), 煙煙靭靭, 好有口感。食撈檬就係因為果樽酸酸甜甜嘅湯, 好醒胃, 自己鍾意落幾多都得。生牛肉河夠大碗, d 牛肉唔靱, 河粉亦唔會太林, 粉卷雖然係油左 d, 但好食嘅, 整體我覺得 ok.…Read More

每次去大埔新達越棧都等很久，想到造次更久……服務員竞然說 先做10~15分鐘後再下單吧因為湯還未滾晚上6:30了 可能吧 先後已經有少人放下餐牌走人了. 就因為湯未滾……湯未滚不可以吃其它東西嗎？而且整個餐廳就一個服務員懂下單. 最後點餐了，吃飽了 但飲品又没來 招了幾次手都没人理會……還是埋單吧！埋單時跟這位服務員說有一杯飲料沒有來 她竟然大大聲對我說(你為什麼不追？你要追多幾次 我今天取消太多單了 不可以再取消這杯飲料3了) 有冇搞錯阿 怪我？？越棧是這樣做生意的？？…Read More

早幾日同女朋友親親大自然，去嘉道理農場行山兼賞花。行左差不多五個鐘，搭車落山之後首要任務當然係補充體力啦！係新達廣場快快腳行左一轉，最後就抱著試下新野既心態入左睇落不錯既越棧。坐底之後叫左個咖哩牛腩米飯，配埋一杯凍檸樂。等左五分鐘左右，服務生好專業咁用一架靚仔餐車送左食物黎。餐點一擺好，陣陣咖哩味即刻傳埋黎，我當堂食欲大開，起筷！由於實在太肚餓，所以未有細細品味🙈但！係！ 越棧既牛腩真係幾唔錯👍🏻煮得好入味，而且肉質唔會太韌，一啖牛腩一啖飯，啱啱好。最後靜雞送張行山影既靚相比大家😆…Read More

之前趕時間都食過一次，仲記得服務差，印象唔好。今次同同事附近做完野，佢話想食呢間先坐低左。好快我地已經諗好左食乜，16:24落左單，但食物遲遲都唔黎，同事叫我耐心d等多陣。但我見到既係附近幾枱客，遲過我地黎，一早黎齊野食，仲要就黎食完。😨過左4個字終於頂唔順問點解甘耐？😓著住應該經理衫既女人話：得得得得，每次直行直過，招手都無人理，完全無視我地，心諗究竟係無落單定點？結果再問多幾次先知，原來個經理比錯張單，仲由頭到尾一直都無幫我地落過單😡！明明自己做錯野，對唔住都無句，枉為經理！仲要係比另一個同事問佢，點解張枱個號碼同張單唔同？先發現自己無落到單，仲要當無事發生，偷偷地比左張新單我地😓。個時間係岩岩先落單。姐係我地足足白等左26分鐘先落單😓，7個字後先有野食。我地兩個人做左成日野，雖然已經下午五點，但呢餐係第一餐黎。論食物，我碗牛脷檬粉不過不失，牛脷都軟林。同事話佢碗特別河d牛肉好難食，問左句店員：平時食開珍多冰好似啫喱甘，點解呢度甘似擦膠，咬唔入？店員：我地係硬架！😤服務真係差到極點，分店中食過最差！本身同事都係個友善既人，最後被人甘對待法，真係佛都有火。個蓮藕餅亦都係食過分店中最難食。真真正正既比錢買難受，絕無下次！…Read More

外賣要個豬扒湯粉，豬頸肉雞絲撈檬，拎到番屋企發現竟然冇比到豬扒同豬頸肉，只係得配料！落單既時候，個職員已經態度麻麻，好似想吹我地落單咁，完全差評！實在太過份啦！…Read More

下午經過大埔火車站落大雨只好係附近食下野～上咗電梯去新達廣場即見到越棧～入咗去試下一入去叫我地坐係張4人枱～隔離二邊約二十個位一大堆都唔夠員工用餐坐咩？坐低又話員工用餐叫再調隔離枱～間野應該有廿幾個員工終於坐定叫咗兩個下午茶～香茅豬扒撈檬睇落好似OK切咗4條放係粉上面配酸甜醬再撈一齊食～食落真係not OK～又凍又乾乾地另外叫咗豬頸肉金邊粉諗住最大路唔會有問題～點知黎到食咗啖～豬頸肉係d湯到都可以又硬又乾仲要薄到呢。。。可能驚我肥兩碗都唔好食…Read More

我從未寫過食評，但係今次我真係忍唔住！我見全間店嘅入座率只得三分一，有空枱我先入去( 加上隔離嘅太興排長龍)。點知我一拉櫈想坐時，啲侍應迫我同人地搭枱，唔比我坐新枱.點知，係成餐晚飯過程，我眼見啲侍應係咁迫人客搭枱，其他吉枱就要保持清潔。我明白，如果係繁忙時間，或者你高朋滿座嘅時候，安排人客集中坐埋一齊，可以理解。但係你間店一半人都冇，都要啲客搭枱，不如落閘唔好做生意啦，因為抹少啲枱嘛！以後寧願排長龍，都揀隔離嘅太興！…Read More

之前我去越棧都會叫撈檬 酸酸甜甜超級鍾意 但因為甘大碗食落去很快就肚餓 所以今次諗住換越式生熟牛肉金邊粉 金邊粉脂肪含量比較低 口感又唔錯 所以簡尼個越式生熟牛肉金邊粉：50蚊 我又加8蚊要左一碟津白 即係大白菜越式生熟牛肉金邊粉： 很快送來 很多金邊粉 一定夠飽 牛肉湯太過鮮 鮮度感覺不夠自然 所以可能有味精有兩種牛肉 第一種係西冷牛扒果種既牛肉片 第一種既係一般既牛肉片 份量ok 但有幾片牛肉黏埋一齊 新鮮度麻麻地 所謂地生牛肉係邊？ 廚師過度烹飪了 所以牛肉很老8蚊津白： 一碟份量ok 而且唔單止烚下就送黎 仲加左清湯 又有味道 又唔洗為左低油脂低鹽而走曬調味料如果唔想要檯面沙爹醬既辣味（太油） 可以問店員要新鮮辣椒 （正宗越南吃法）同埋青檸 否則齋食成碗金邊粉太過單調 標題所謂的對比，我之前係澳洲食過非常正宗 排名前幾既越式牛肉粉 佢地牛肉生熟程度岩岩好 牛肉湯鮮的自然 也唔會過鹹 那份感覺很難形容 但有左今次越棧牛肉粉既對比 真係爭好遠⋯⋯…Read More

依家五點幾實在太肚餓喇，都係食碗河粉打打底先出去飲囍酒，起碼八九點先開飯呢。嘩，新達依間分店跟超級城相比闊落好多，夠寬敞坐得舒服。恰巧依個時段下午茶剛完，晚市又未到，只得小貓三四隻，環境十分寧靜，空氣流通清新，Good ﹗全場都是二人迷你檯，檯上沒放任何調味料。奇怪地無紙巾及牙簽供應既？等到埋單時才問侍應提供，服務欠細心。越棧無火車頭又無得加底，份量那麼細碗，唯有叫多兩個小食先夠飽啦。有衝動想食兩碗，不過轉頭去囍宴，都係食正常份量算喇。上菜極緩慢，是否慢功出細貨先？全場得幾位食客，朋友仔碗檬粉要廿分鐘完成，生牛檬變左熟牛檬！青檸梳打，甜到飲糖水一樣，唯有等冰溶晒先飲。生牛肉河粉全走，質素堅係比大埔超級城及上水廣場分店好千倍萬倍呀！熱騰騰送上，香煙飄飄，忍不住大力一索，芬芳牛肉湯氣味，加上嫩嫩粉紅牛肉片耀眼奪目，食慾頓時大振！自由地加入大量指天椒及鮮青檸汁，極酸勁辣惹味可口醒腦開胃，大愛！濃濃清甜牛骨湯沖著美妙幼河粉，非常滿意！連埋肥美牛肉片一同嘴嚼，牛味更加突出，幸福啊！最後將香辣湯汁一飲而盡，暢快暢快。香茅豬扒，驚喜地豬扒及蝦餅都比大埔超級城及上水廣場分店好食呢！鬆化的豬扒，不乾不硬不過咸味不濁。微溫滲著微肉汁，淺淺香茅夾蒜香味不會膩。炸蝦餅，令人滿意的脆脆外層不刮口，趙到沙沙作響！質地輕彈不死實，味帶蝦鮮不陰沉，達標！生牛肉檬粉，估計放了段時間才送到，生牛變熟牛，過熟好韌呢。特別牛河全走，點解叫做特別呢？唔係好覺特別乍喎，牛雜河之麻。最特別係金錢肚絲，一咬真係笑左出黎，硬到橡膠一樣，趙到索索聲，食完幾條牙骹軟晒，搞笑！紮肉味道持濃，牛腩夠腍，兩者都合格。最衰係生牛片變左熟牛囉，好采唔係太韌！湯底溫度只係暖暖的，煙都無半點，欠缺活力！可以再滾點再熱點，味道還可以。河粉略硬，我鍾意棉滑口感，湯滾一點、淥耐少少會更好。發現實物跟 menu 張相好大分別，直頭失望！…Read More

今日帶埋家姐到大埔同朋友lunch。 入到呢間越棧，午市唔使等位，都坐得幾闊落，又有BB櫈。原先諗住食豬扒雞絲湯河$50，因為清清地可以同家姐share，可惜店員話冇晒豬扒，咁我唯有叫豬頸肉雞絲撈檬$50，因為呢個餐牌上有的。但由於我想比家姐仔食啲熱野，咁我問佢可唔可以轉做湯河，佢話要加＄14， 只可改做金邊粉。咁無辦法啦。粉來了， 出奇地金邊粉是熱到出煙的。 可能佢知我想要熱野。 雙拼既肉類比較少， 豬頸肉得3塊， 雞絲似得一湯匙， 實在有點古寒。 檬粉味道主要靠魚露， 個人覺得佢整得酸中帶點甜味， 尚算ok。整體黎講都係連鎖店standard，無乜驚喜。…Read More

聽講呢度嘅香茅豬扒幾好食， 朋友之前喺其他分店食過， 推介我不妨點嚟食下， 好啦既然出開嚟 火車站附近有冇乜特別嘢食， 中午時間 食番碗河粉就最啱喇。望下佢個餐牌 ， 依家真係物價上升百貨騰貴 ，閒閒哋都四，五十蚊一碗粉， 其實喺我心目中食一碗呢啲飯都係藉三十幾蚊咋， 不過算啦朋友又話到 幾好食咁就試下啦等咗一陣嗰碗粉嚟到， 見到都幾大碗，個豬扒望落都幾大塊， 滿心歡喜 諗住好好食啦， 咬落去豬扒大過大快啦，不過乾爭爭兼且又鞋又硬又無乜香茅味道， 真係失望到極點呀， 加埋杯凍檸茶成50蚊比啲咁嘅嘢人哋食都有嘅，仲話呢度嘅香茅豬扒好出名， 有冇搞錯呀。走去捉咗個店員問點解你哋個豬扒可以難食到咁其他分店都唔係咁嘅質素， 佢哋比我問到口啞啞轉頭搵個人嚟同我講「應該一樣㗎喎」同一個錯佢都唔係好清楚， 雖然佢好好禮貌咁回覆返我，但係呢個答案我非常唔滿意囉，以後決定唔會再嚟食。…Read More

今日約左4：00係大埔整牙，見有時間，就整牙前食少少野。一上商場有間越南野，唸住入去食碗生牛河。行到係門口，見收銀有2個侍應企係度，就向佢示意2位，其中一個望左我一眼，無反應，就側頭繼續同隔離位同事繼續傾偈😒😒。於是我地就唯有自己入去搵位坐低，睇完餐牌，舉左5分鐘手，完全無人理。隔離檯客人同樣情況，之後佢自己行出收銀處點餐。眼見樓面有1個侍應好專心咁執檯。終於，係廚房行左個侍應出黎，一出黎望見我地舉緊手叫佢，佢竟然返轉頭入返去。咁大間連鎖餐廳，完全無服務？？最後我地選擇離開。…Read More

visited this restaurant since 2014, the food quality and service just continuously goes downhill. extremely rude workers, food are left cold outside and waited out for 15 mins before serving to you. bad service, bad food, bad environment. not a restaurant to return to. …Read More