莆田 (美麗華廣場2期) (已結業)

霸氣六厘米。夠肥才好吃見到介紹係米之蓮的莆田，決定帶BB嚟試吓！美麗華地點方便，環境乾淨企理，雖然滿座座位仍然寬鬆。企喺門口等左一陣，順便望下有乜嘢好介紹，蟶子、蟶子、蟶子、咁重要嘅嘢即係主打菜啦！一於試吓招牌菜⋯因為天氣熱，都想食啲開胃嘅菜式，冰爽酒糟蟶子 涼菜就最啱口味！蟶子入口有好清淡嘅酒味，好香好滑。口裏面有酒嘅鮮味，清清涼涼，冰爽好味，不知不覺把它一掃而光。而且最緊要就係蟶子清潔無異味，咁先食得盡興。 既然一場黎到，再試埋鐵板鹽焗蟶子，雖然望落去好似係簡簡單單嘅鹹焗，但簡單嘅煮法都有好處，就係可以食到蟶子的原汁原味。熱辣辣真係小心燙手，10幾隻大大隻材料十足，淨係食蟶子都已經好滿足。 而BB最鍾意就係食魚㗎啦！百秒黃花魚又抵食又新鮮，用煲仔上枱果然係更加散發出陣陣香味。首先飲一啖魚湯，好清甜又鮮味。百秒黃花魚的肉質嫩滑，一條大骨好易食。 最後食多碟有特色嘅興化米粉，米粉嘅口感好幼細的，而且配料都好多，有蝦又有花生仲有啲好似腐皮咁，唔同嘅口感，增加了層次，食米粉又點可以冇辣椒醬，店家自己的秘製 辣椒醬。味道更加豐富。