海底捞火锅

上個月同朋友玩完VR, 去咗食海底撈，皆因依家同WayV有合作，我朋友係WayV fan，聽聞叫WayV set會有小禮物&人形紙板陪坐陪食😂 不過可惜呢間無人形紙板，WayV小禮物就有嘅。

要讚下海底撈嘅服務，幫我哋嗰枱嘅服務員係王X禾。每次唔明或要幫手，佢都好主動埋嚟幫我哋，時刻留意顧客需要👍

小妹第一次食海底撈，有d嘢唔係咁清楚，例如，我哋諗住點一個set+幾樣小食，揀湯底我見有4格，就以為可以揀兩個湯底，但fd㩒極都㩒唔到兩個湯底手，同fd一齊研究，店員聽到我哋嘅對話，主動過嚟解釋，只叫一個set只可選一個湯底，加湯底要加錢。蝦滑好黏個碟，我努力緊嘅時候，個店員行過見到即刻話幫我。

大推大骨湯！大骨湯底真係好好味！配響鈴真係正到爆！後尾覺得唔夠仲加單嗌多碟響鈴😂 食晒所有食物後，我就想飲下個湯，費事再叫人攞碗羹，就咁用個湯勺飲幾啖，店員見到即刻拎住碗羹過嚟幫我盛咗一碗😂

最後送嘅朱古力味雪米糍好好味😋 海底撈自家零食都好食