Poke Go (漆咸道南)

营业中

休息中

星期一 blue Monday 收工約兩個朋友去食飯 行過尖沙咀見到呢間食夏威夷魚生飯， 我朋友話佢之前食過呢間，話好食，我未食之前心諗魚生飯咪姐係魚生飯，有咩咁特別好食。一坐低，我就揀左個自選魚生飯，佢Ｄ配料都幾特別，我揀左吞拿魚蟹子豆腐海帶壽司飯，有得加紫菜同木魚絲，等左１０分鐘左右就有得食賣相幾靚，我估唔到咁大碗，都幾多吞拿魚，食落口啖啖肉，估唔到呢幾樣配料加埋一齊食都幾夾，同埋都幾特別，同一般日式魚生飯唔同，我覺得可以再食我仲叫左杯火龍果汁，都重火龍果味，甜度合適。火山雞翼，炸出黎唔會太乾，個汁都好食，脆口。我朋友就叫左呢杯薄荷柚子沙冰，佢話味道唔太甜，淡淡的味道三個男人食完都話好滿足，好飽，大家都話好食，值得推薦比朋友。