居食屋「和民」 (已結業)

早排同三個朋友仔o係呢間和民食左一餐, 一路都冇諗起話o係度寫番篇, 因為一路都諗住呢間野好多人都食過, 自己只係食過一次. 但係, 而家我又手痕, 又想遲o的去食多次, 所以... 等我又寫下一篇食評, 回味一番! o個次都叫左幾多野食. 講真, o的名真係唔係太記得清楚, 但我記得有帶子, 一口牛肉(?), 炸豬扒, 年糕燒餅, 泡菜炒飯, 炒烏冬咁... 樣樣都好食, 但樣樣都好細碟. 咁都有好, 人少少去都可以叫多幾味, 樣樣都試食下, 唔會話食左兩碟就飽晒!有樣野唔講都大家知: 去呢度食野要排大隊! 我同朋友仔去o個次係星期六, 但我地六點鐘多少少就入座, 所以唔駛排乜滯. 我地食到九點幾先至走, 門口依然勁多人等位... 如果下次要去o個度食餐好o既, 一係早少少去, 一係要o的耐性等下位...