影片
更多
2017-12-21
353 浏览
前排睇雜誌介紹有新餐廳主打淮揚菜 先知淮揚菜原來大有來頭😲 屬於中國四大菜系之一 而淮揚菜就最講求刀功 做法細膩 見爸爸話自己好耐無跟我地出去食返餐好 就一於一家人去食餐好 係古琴雅苑訂座☺️我地一行四人 座位都幾舒適 見到晚市客人都幾多 加上餐廳唔算太大 餐廳未夠7點半已經差唔多滿座 所以訂定位係明智既😎 我地睇咗陣餐牌就好快由爸爸話事落單 飲品我簡咗杯西瓜汁🍉 飲落好鮮 甜度正常 感覺係無添加糖 即叫即榨 可以一試👍🏻揚州水晶肉 外表幾有趣好似一舊舊既磚頭 係屬於揚州既一款水晶餚肉 味道幾醇厚 少少油膩感 略有咸味 份量恰好 肥瘦肉比例也不錯😆爸爸想食魚 就點咗一碟風味松子魚 賣相唔錯 外表有炸過 炸粉唔厚 所以幾酥脆 食落魚肉幾鮮幾嫩滑 醬汁係酸酸甜甜 開胃之餘又唔會太重口味👅是日最期待就係烤北京填鴨🦆 師傳會企係一邊為我地現場即切 望落已經流哂口水 烤鴨好香 色澤幾靚 片完片片一樣大細 據聞可以片到108片 切完咬落熱辣辣🔥 鴨皮好脆 點埋附上既沙糖味道就岩岩好 配料同平日餐廳唔同 係有青瓜 京蔥 哈蜜瓜條作伴菜 認真特別同口感清新 侍應窩心提醒我地填鴨要趁熱食 否則口感會大大扣
我地一行四人 座位都幾舒適 見到晚市客人都幾多 加上餐廳唔算太大 餐廳未夠7點半已經差唔多滿座 所以訂定位係明智既😎 我地睇咗陣餐牌就好快由爸爸話事落單 飲品我簡咗杯西瓜汁🍉 飲落好鮮 甜度正常 感覺係無添加糖 即叫即榨 可以一試👍🏻
揚州水晶肉 外表幾有趣好似一舊舊既磚頭 係屬於揚州既一款水晶餚肉 味道幾醇厚 少少油膩感 略有咸味 份量恰好 肥瘦肉比例也不錯😆
爸爸想食魚 就點咗一碟風味松子魚 賣相唔錯 外表有炸過 炸粉唔厚 所以幾酥脆 食落魚肉幾鮮幾嫩滑 醬汁係酸酸甜甜 開胃之餘又唔會太重口味👅
是日最期待就係烤北京填鴨🦆 師傳會企係一邊為我地現場即切 望落已經流哂口水 烤鴨好香 色澤幾靚 片完片片一樣大細 據聞可以片到108片 切完咬落熱辣辣🔥 鴨皮好脆 點埋附上既沙糖味道就岩岩好 配料同平日餐廳唔同 係有青瓜 京蔥 哈蜜瓜條作伴菜 認真特別同口感清新 侍應窩心提醒我地填鴨要趁熱食 否則口感會大大扣分 失去咗原有既味道 餐廳提供了秘製蜂蜜黃梅醬 令填鴨味道幾加分💯💯
出去食飯爸爸都會希望有湯有肉有魚 所以就嗌多個香草鮮魚羹 羹湯味道偏淡 魚肉易入口 數量也唔少 入落幾潤喉消膩 份量大概一人一碗🤤
甜品簡咗媽媽最愛既杞子桂花糕 一碟三件 嗌咗兩碟實夠分 味道幾清甜幾大件 咬落去彈牙 桂花🌸有潤喉化痰功效 的確岩哂近排痰多既我食🤓
食完餐飯埋單大概九百幾蚊 以四個人黎計都唔算太貴 環境一切都幾舒服 加上新裝修 洗手間都相當乾淨 爸爸同媽媽都幾滿意😍 有機會再黎試其他淮揚菜 睇落都有特色 同水準都唔低👍🏻👍🏻
张贴
