築地番本日式放題 (已結業)

試得好遲，一直想試蒸氣但都冇時間，不嬲都有食番本既放題唔錯，見佢比某新聞介紹有埋蒸氣鍋唔差就去試下啦~打電話去book唔到話得返6前同9後咁勁，我地決定walk-in。730去到個場好吉，得幾張枱，應該早左到，醒目。即刻叫下蒸氣鍋物啦，起動，一般般，蜆有點腥，元貝有沙去唔清，豬肉可能鬆肉粉勁過頭不過有調味，好彩叫各一試左姐冇浪費麻。之後叫蝦，蟲草花杞子雞，肥牛都唔錯。。 追加左一打蝦食，好鮮放題方面，不嬲有食開，覺得炸物係咁叫蕃薯仔，刺身可以接受但款式唔多，個焗蠔竟然係沙律醬加層芝士，幾好味。 再追加左幾隻。飲品超多款，花多眼亂，比佢吸引左一陣，仲有好多款甜品，一定必食360牛奶布丁，細細個，所以要拎多幾個先夠喉。可能人手唔係好夠，等得耐，亦有漏單，出面侍應就好快手，未有得食已經上左幾轉酒比我地，服務態度好好，最多點多次野食追單，臨走時已經係坐爆場好旺好忙，侍應都過黎主動加茶，到尾走時都門口都冇人等，可能佢地限制book枱少，保障walk-in客同控制人流。