神石燒牛扒水產專門店 (如心廣場二期) (已結業)

打風過後，適逢公眾假期，原本和老婆大人去荃新天地飲茶，點知人山人海，要等30張枱，梗係走啦！轉過去隔離如心商場，見這店冇乜人，賣點係石燒牛扒之外，沙律白飯和湯水都係放題任食，價錢合理，咪試下囉！各自點了一個餐，包括牛扒、漢堡、雞肉、豬扒和牛脷，乜名就自己搵啦！上碟時，肉類都生，石燒熱度高，自己煎扒控制成熟度，啱啱好，整體肉質鮮嫰，好玩又好味。餐廳另一賣點係湯飯沙律均是自助任食。老婆大人吃了兩碗椰菜絲沙律（新鮮爽脆）、兩碗泡菜湯（辣辣地加夠熱）、一碗麵屎湯（吾夠熱味一般）和一碗日本米飯。如果係晚餐，我會追加秋刀魚和西冷之類，唯一建議係如果供應埋熱辣辣的麥茶就完美100分啦！座位擠逼度一般啦！我們坐面壁位，有隔板，空間算OK。招呼都吾錯，叫餐講解都有禮貌，我們添完又添湯和沙律，冇比人眼超超。有機會會翻食的。