潮文園

知道呢間麵店開咗一段時間，因返公司忙到晚上，剛返到元朗九點，在康樂路輕鐵站落車，貪近第一次幫襯試下。入內好多位選擇，我選普通四人枱。因我近年比較少食肉，希望多菜少肉較健康，所以近年多數食水餃，而今次第一之幫襯，嘗試叫水餃河粉加腩汁，另跟送一杯冷熱飲我就叫熱奶茶。呢個餐 HK$32 元超抵食，不到五分鐘已一拼上枱。水餃算大粒爽口好食，河粉係幼身但有些少鞋口唔夠滑。湯底出奇鮮甜好飲，但係味精果種鮮甜，所以都唔敢飲太多，試兩羹就算。碗面跟湯羹蔥花，可自行選擇是否投放在麵內。

2月22日再幫襯轉試凍奶茶，竟然比熱奶茶好飲，冇澀味，淡奶感覺亦都比較足。

$32

熱奶茶有少少澀，可能淡奶唔夠 ? 但飲落似凍奶茶翻熱 ?

1

較澀似係凍奶茶翻熱

侍應落單係用電腦再出單去水吧，但要注意水吧成日收唔到單漏單，如果等得較耐要追問侍應。有香港支付寶、及香港微支付，但冇八達通大家要注意。

侍應電腦落單及印單，支持支付寶及微支付，不支持八達通。

2月22日晚上同樣時間再去幫襯，今次食都一樣，河粉比第一次食改善滑咗。另轉試凍奶茶。出奇今次凍奶茶比第一次熱好飲，冇澀味感覺淡奶較足夠。

水餃河粉加腩汁 + 熱奶茶

$32

水餃河粉加腩汁 + 熱奶茶

$32

總括講呢個價錢性價比超高，堂食地方都算寬敞，而且尚算乾淨企理。除留意電腦落單有時會漏單外，侍應阿姐超冇記性，見有人客漏客前後催咗三次，三次同一阿姐都有上前了解，但至第三次先逆得發生乜事，阿姐掛住跟同事講新同事壞話，彈新女同事記性差，但我覺得話人果個仲差，好誇張 !

環境尚算寬敞，有卡位及四人位。