影片
以上资料只供参考，请与餐厅确认详情
知道呢间面店开咗一段时间，因返公司忙到晚上，刚返到元朗九点，在康乐路轻铁站落车，贪近第一次帮衬试下。入内好多位选择，我选普通四人枱。因我近年比较少食肉，希望多菜少肉较健康，所以近年多数食水饺，而今次第一之帮衬，尝试叫水饺河粉加腩汁，另跟送一杯冷热饮我就叫热奶茶。呢个餐 HK$32 元超抵食，不到五分钟已一拼上枱。水饺算大粒爽口好食，河粉系幼身但有些少鞋口唔够滑。汤底出奇鲜甜好饮，但系味精果种鲜甜，所以都唔敢饮太多，试两羹就算。碗面跟汤羹葱花，可自行选择是否投放在面内。热奶茶有少少涩，可能淡奶唔够 ? 但饮落似冻奶茶翻热 ?侍应落单系用电脑再出单去水吧，但要注意水吧成日收唔到单漏单，如果等得较耐要追问侍应。有香港支付宝、及香港微支付，但冇八达通大家要注意。2月22日晚上同样时间再去帮衬，今次食都一样，河粉比第一次食改善滑咗。另转试冻奶茶。出奇今次冻奶茶比第一次热好饮，冇涩味感觉淡奶较足够。总括讲呢个价钱性价比超高，堂食地方都算宽敞，而且尚算干净企理。除留意电脑落单有时会漏单外，侍应阿姐超冇记性，见有人客漏客前后催咗三次，三次同一阿姐都有上前了解，但至第三次先逆得发生乜事，阿姐挂住跟同事讲新同事坏话，弹新女同事记性差，但我觉得话人果个仲差，好夸张 !
继续阅读