麻辣皇后 (已結業)

第一次寫評價，一直都冇寫，但呢間真係令我認唔住，一直試業到開張，基本上入面係冇乜客食既，咁有日我就鼓起勇氣去試下點解會咁啦，首先啲職員態度係ok既，咁我外賣麻辣燙麵啦，我仲問有冇得中辣大麻，佢都話有，到我見到個外賣盒，個碗大細份量就係出前一丁既杯麵果個大細，好，我都算啦，因為我明白食野係有大有細啦，到我返到屋企，試下個湯，我即刻「哇」左一聲，我好驚訝點解可以做到個麻辣味同熱滾水個味可以分得咁開既，我已經分唔清我飲緊既係湯定係熱滾水，我終於明白點解可以拍烏蠅。。。唔知其他人有冇同我一樣，有「哇」一聲既感覺呢。