麻辣皇后 (已結業)

食咗個辣子雞飯。落咗單之後，等咗接近半個鐘先嚟嘢食，我去到嗰陣八點左右，都係貪唔使等位先入去食，味道還好，未至於話係好好味，需要特登去食，呢度都有好多其他小食。

雞蛋炒米粉真係好好食，估唔到咁平平無奇一個名但原來抄得好夠鑊氣，好似返大陸街邊檔嗰啲鑊氣炒米粉咁啱啱食完一個忍住要再買多一個,實在太好食!!以後都唔使特登走返上大陸食

放工來到深水埗一帶平民天堂買東西，逛了不久就肚餓起來了，不過又不想吃太多，就在附近找了這間麻辣皇后吃粉麵。看到整頁menu都是螺獅粉，心想是螺絲粉嗎？？看看牆上的介紹，原來是廣西街頭小吃，就試試吧！點了個「小辣牛腩螺獅粉」。螺獅粉看像跟米線沒兩樣，吃起來像軟線版的米線，我想這碗麵重點是那種酸菜和麻辣混合的味道，的確很香濃，配料亦頗多。另外點了個微辣的自選配料薯粉給自己，特意沒選很多配料，只想吃個薯粉。這裡的薯粉粗像烏冬，呈半透明的，吃一口，非常之煙韌Q彈！個人口味上，我更愛這個薯粉呢～還有點了兩款小吃，家鄉酥肉跟香芋地瓜丸。家鄉酥肉我們不太喜歡，有點豬肉羶味，而香芋地瓜丸卻很喜歡。香芋地瓜丸表面非常酥脆，地瓜麻糬皮比較厚身，軟糯又帶點煙韌，口感很好！中心就是芋泥，軟綿綿，芋香十足不太甜，好吃！總括而言，這個麻辣皇后不錯，要是更喜歡酸辣的人更不要錯過！

麻辣控 可能會一試愛上既螺絲粉螺絲粉香港人比較少食，亦冇乜地方有得食，佢既一大特色在於佢較爽夠彈呀加埋酸味～你一定要試🌶🌶😋40蚊😱大大兜麻辣雜錦🍢有螺肉粒、脆腐皮、花生🥜、木耳絲全部都係吸湯汁配料呀😂🔥樣樣都煲到入晒味超正，麻辣超香唔會苦👍仲可以大中小、BB辣任你揀👏佢地仲有其他麻辣小食都好多款架～💦💦不過大大碗既螺絲粉已經完全食到十成飽，冇機會試，唯有下次再試過啦麻辣皇后在深水埗福榮街地點幾方便

話說，呢日收工出左去深水埗買game買完搵野食，想食辣米線／湯麵之類，見到有間麻辣皇后就入去試下喇。本身以為麻辣皇后一定係食米線，點知唔係，係食「螺絲粉」，此螺絲粉並不是pasta果種螺絲粉，個樣類似米線咁既。之後我就叫左個麻辣小辣 ＋菠菜 ＋ 黃炆鴨 ＋冬菇，仲有土豆絲首先，個麻辣湯底有好大陣荀味，有D真・螺肉，所以有麻辣味螺既鮮味同埋荀味，個麻辣湯同平時食開既唔同，我覺得幾香，但唔係人人岩食，如果唔鍾意荀既就可能要同小二講走荀喇。個鴨好香，好入味，冬菇個汁都好濃，夠稔，好喇，講返主角螺絲粉，原來！螺絲粉同米線都似似地，不過就比較煙un，同有口感，不錯。最後講下個土豆絲，有D人整既土豆絲，太粗會變左質感，但呢個岩岩好，夠爽亦唔會太硬，個汁夠麻，正。

係深水埗返工都返左一排喇 … 但都仲未食得晒附近既食肆 XDD呢區真係堅多野食呀 !! 而呢間麻辣皇后之前都經過過幾次喇本來都係比佢個店名嚇親唔敢入黎😂 (食唔到辣的人😣)但今日細心望下佢個MENU… 先發現原來唔辣既選擇都唔少! 🤩湯麵亦有清湯可以揀~ 咁就一於入黎試下啦 !話說佢就係正 維記隔離, 招牌搶眼, 易搵易認~(6點都未到就入左黎… 呢個時間無乜人, 之後食食下就開始多人入喇)食物種類多 雖然以食辣為主, 但其實好多款都可以走辣呢度幾出名既粉麵分左麻辣+4種辣度🌶亦都有清湯 唔食辣既朋友可以放心!! 🙂🙂呢度仲有湯飯, 炒飯同蓋飯… 同埋唔少地道中國傳統家鄉小食呀連平時較少見既款都有:: 好似綠茶佛餅, 紅糖糍粑咁😍黎到呢度就真係試試 !成個MENU上最吸引既其實係牛肉火鍋, 雞煲同烤魚.. 但全部都辣辣🌶🌶🌶鐘意辣既朋友一定好開心😍最後我揀左個薯粉+1個小食~薯粉 $20 配清湯清湯真係好清, 應該係無乜味精 ! 因為太肚餓… 好衝動咁一叫叫左6款送 LOL(又因為好多款都好想試既…)鴨腎+$12:: 大推介 要叫!! 鹵水味重得黎唔過火~ 👍有口感 夠爽口 ! 望落以

早排同朋友去咗食雞煲， 雞煲而家喺香港係非常普遍， 基本上隨街都可以搵到一間， 但係今日同大家介紹一間叫麻辣皇后， 本人比較喜歡食辣嘢所以就畀佢個名吸引咗過去試試啦。 佢哋嘅主打叫奇味雞煲 ，辣度有大中小辣 ，我哋叫咗個小辣嚟試下 ，佢嘅湯底比較特別 ，同出麵食嘢唔同味道， 比較濃香辣口， 一隻雞分量都幾多， 兩個人基本上帶小小小菜就可以夠飽㗎喇 ，食完雞煲梗係要打邊爐啦。 佢都有好多打邊爐嘅配菜揀， 我哋叫咗窩筍，牛柏葉，金菇 ，螺獅粉，炸響鈴。 全部嘅份量都超級大 ，基本上都食唔曬， 以下有啲圖片分享返呢大家可以去試下。

聽日學校考試所以放工返屋企都快快趣食完野就準備去溫書於是就係屋企附近嘅麵店食個麵當係晚餐咁啱去到撞到個同學又係喺度食於是我哋就每人叫咗一個麵或者飯之餘再另外叫多咗個小食我地叫左「涼拌土豆絲」$38土豆絲本身自己都好鍾意食佢整到有少才麻辣食起上黎好開胃「家鄉酥肉」$38一條條炸到好香既肉條外層入口好鬆脆好香口惹味至於主食我地叫左依個配搭清湯+螺獅粉+牛腩+炸豆腐清湯+螺獅粉+牛腩+牛肚雖然係配清湯，但估唔到味道咁濃螺獅絲比米線再幼身食既時候都幾方便至於牛腩同牛肚都煮得好稔好入味同埋麵上面又有花生同酸菜所以食麵果時都有多重口感「綠茶佛餅」$38最後見到佢有甜品梗係試試佢佢個綠茶佛餅表層好似好軟身口感好似薯仔咁中間有芋蓉外層仲有芝麻三者一同食落口，不太甜，又好味，正

今日獨自到黃金逛街買電腦用品，行經這間”麻辣皇后”，主打螺螄粉，被吸引入店了。看看餐牌除了招牌螺螄粉外，原來還有烤魚、雞煲等等食，待我下次試試先。招牌螺螄粉是中華傳統美食， 是柳州最出名也最受大眾歡迎的小吃米粉，湯料用上13種天然香料和味素 蔗、糖配製而成的一種調味品，所以有著獨特的風味。我點了微辣螺螄粉$20，另外配菜有豬腳$12、牛筋$12、瀨尿牛丸$12、韭菜$8和蘿卜$8。味道跟平時食到的車仔麵當然很不同，有著特別的風味，帶酸帶點辣，味道香濃。螺螄粉質感腍軟之余口感帶點煙韌不易斷，豬腳腍軟入味；牛筋有口感；瀨尿牛丸爽彈；蘿卜腍甜吸汁入味。竹蔗茅根 $15

去開黃金睇新GAME，行完响附近搵個地方食嘢，回南天想食啲酸辣開胃嘢，過咗豬潤麵隔離食麻辣粉。見有一種未食過嘅螺螄粉，不是螺絲粉 (西式那種)喎，一於試吓新嘢。店內有介紹咩叫螺螄粉，原來螺螄是一種螺。螺螄粉係廣西柳州著名小吃，用螺螄肉等13種材料熬制而成；配菜有酸筍、腐竹、青菜.......等。等待食物時，飲杯嘢先啦。叫咗一大瓶竹蔗茅根水，清清近期啲熱氣，淡淡蔗水茅根味，唔太甜我嘅小辣鴨腳螺螄粉，粉係滑滑米線嚟，鴨腳腍到見骨，賣相爭啲，配料有螺肉、酸菜、酸荀、炸腐竹、生菜、花生和青蔥。味道酸酸辣辣，OK嘅口感滑溜又不失螺味。家鄉酥肉响FB見朋友新年整呢個小食，已經想試吓，見到呢度有得食， 即刻點，炸得香脆，肉醃得夠味，夠香，肉嫩有汁唔鞋，好食喎朋友的中辣中三鮮螺螄粉，配料有螺肉、鮮香菇、木耳、酸菜、酸荀、炸腐竹、生菜、花生和青蔥。話未達佢期望嘅辣度喎

🥢深水埗食酸臭辣螺螄粉🥢請支持即刻俾心👍🏻仲有follow @eatgoodwesteatbadwest 🥢在深水埗福榮街一條美食之街，能夠站得住腳的店，應該都有一點實力，近來發現有一間食食螺螄粉，還有雞煲，烤魚的店🥢三鮮螺螄粉 $40配料有木耳，冬菇，酸筍，花生，螺螄肉，炸腐竹，酸菜，點了個中辣開始食落感覺不新，之後慢慢疊加上去，越食越辣，酸筍份量不多，所以都不算太臭，湯底有陣甜味，應該是螺螄肉煮出來的味道 🥢$40 食螺螄粉，你問我好無食，我真係答你唔到，因為未算好好食，但又不是唔好食，都係要親自來試試

深水埗買完玩具就到食飯時間，本來就多食肆的福榮街傳來麻辣香味。原來係有得食魚雞煲的川菜餐廳。得兩丁友hea hea地食個粉再加小食都夠做。小食叫左2款，發現份量都幾多。家鄉酥肉好香脆，炸到金黃色的，辣之餘仲帶花椒八角的香，辣香在口腔入面回甘。涼拌皮蛋賣相好得意，蛋白是透明的，爽口彈牙，蛋黃有少少溏心，好creamy。仲有蒜蓉同尖椒伴食，味道更具層次感。這款皮蛋有點特別，無醃製的味道，食落反而有點新鮮感。主角的螺獅粉，湯底係用鮮螺絲熬出來，清甜帶點特別的貝殼味，第一次食建議叫微辣已經好夠辣，或清湯。螺獅粉外貌似米線，口感就比米線更滑更彈牙，吸湯能力都幾好，唔會浸漲。三鮮螺獅粉有很多菇，加了瀨尿牛丸，牛丸真的會瀨尿！咬落去，肉汁都彈出來了，彈牙又無渣，鮮味十足。牛腩螺獅粉的牛腩好軟滑，而且鬆化，肉汁豐富，比較少筋。重點係好抵食，一碗只係$40。好過食車仔麵🙈野飲叫的酸梅汁同竹蔗茅根是樽裝，有500ml，凍的，解渴又解辣。下次來，多人可以食烤魚或雞煲。

今日行完深水埗見攰攰地，找個地方休息吓食碗麵再行見未食過螺螄粉唔知係乜，就入去尋食試吓先入去坐底睇餐牌，原來除左螺螄粉，還有特式小食、涼拌、水煮魚和雞煲火鍋，至於螺螄粉好似車仔麵噤叫法，我選左牛腩螺螄粉，我唔係噤食得辣，所以今次選左清湯底，另外加左香菇雞和炸響鈴，當個粉送到來時，見到碗麵都幾大碗料都幾足聞到一陣陣強烈酸臭味即刻試啖湯先，但食落又唔覺個酸臭味，個湯濃而鮮甜冇乜味精味螺螄粉原來好似米線噤樣，但入囗煙靭度比米線強，牛腩入囗幾腍，香菇雞幾入味，炸響鈴索左湯幾好味，最正就係個酸笋，味道好酸好爽

大陸之前有排好興螺絲粉我好多朋友都自己買咗螺絲粉返屋企自己整今日同媽媽經過深水埗見到呢間專食螺絲粉嘅鋪即刻入去試吓先.我同媽咪都唔算話食得好辣嘅但係都食得晒我哋揀咗一款三鮮螺絲粉同埋豬腳螺絲粉另外加咗炸響鈴同腐皮呢兩款配料吸左啲湯之後簡直無得輸螺絲粉嘅質感係有少少似米線同埋賴粉口感好煙韌 唔錯.另外我哋揀咗一款涼拌豬耳脆脆地好開胃 兩個人食份量就啱啱好.呢間食店好近地鐵站 非常之方便經開深水埗嘅話不妨試吓

琴晚放工之後同朋友去左公司附近一間餐廳食晚飯☺️呢間餐廳主要係食辣嘢，有烤魚、螺絲粉、雞煲同多款小食供應。因為唔係好肚餓，所以我地淨係叫左一個螺絲粉，但為食嘅我地一共叫左八個餸🤣，分別係豬腩肉、牛肚、撒尿牛丸、酸菜、炸腐皮、蘿蔔、生菜同響鈴。豬腩肉同牛肚都幾入味，牛肚夠曬腍，撒尿牛丸好多肉汁☺️，響鈴索曬啲湯所以勁好味！其他配料都OK，不過就無咩特別～螺絲粉湯底尚算濃郁，但唔會太重口，所以一般人都應該接受到。我地叫左微辣湯底，但食食下都覺得幾辣，所以唔食得辣嘅朋友要留意下啦～我地另外仲叫左兩個小食，一個係涼拌青瓜，另一個就係涼拌土豆絲！青瓜清甜爽口，唔會太辣；涼拌土豆絲食落口感都係爽爽地，都幾惹味下～食辣嘢嘅餐廳黎講，呢間餐廳都算係一個唔錯嘅選擇喔！