學利魚蛋 (已結業)

做完劇烈運動，回家途中買啲送返屋企加料先 ﹗淨魚蛋走蔥，之前幫襯次次都獨孤一味五香牛腩，今日終於有機會試吓招牌菜學利魚蛋喇。口感好滑，都幾彈牙，但味道假左啲，魚味不足，鮮味欠奉，不礙如視。個魚湯就非常鮮甜，加埋生菜既甜味，真係相得益章，成碗清晒無得留低 ﹗五香牛根腩走蔥，我明明叫左淨牛腩走牛根架，仲已經收多我十蚊架 ﹗搞錯呀 ﹗早幾日買左質數麻麻地又鞋烚烚既清湯腩返去請家人食，今日要買啲好野補數先得。今次大家試過都好滿意，好采 ﹗牛腩炆得好腍又無渣，五香味濃郁，不肥又不瘦，剛剛好。牛根炆到膠口，最好食 ﹗骨膠原，正呀 ﹗