影片
更多
2012-12-05
1021 浏览
啊媽貪方便所以話黎呢間試下晚飯，平時日頭飲茶就會成日幫襯，晚飯卻是第一次。十月一號晚嘅七點，時間尚早無咩人，不過坐落之後都多返半個場嘅客，一半都係打邊爐任食，比起日頭坐滿人飲茶，晚市真係客緣較少，可能係國慶節啲人出晒街或者食好啲所以無咩人黎掛。此行我們一家三人。片皮鴨 $ 38，2-4人只可以叫半隻，（我最愛，所以就算明白平嘢無好嘅定義，還是要試），啲粉皮用蒸籠裝住上枱，仲熱熱地，不過啲皮都幾厚，仲可以睇到整嘅時候，啲粉漿唔均勻，一達達。有碟甜醬，包嘅配料得一小碟黃瓜條，沒有那些什麼大蔥其他的。片皮鴨上枱，有6-8塊，燒到偏乾，有少少焦黑較深色，不過片得幾薄，唔會「痴」埋啲肥膏，亦唔係片至連肉嗰隻，真係齋薄皮，包黎食都仲係食到幾多油下，有少少鴨騷味。好似加 $ 20有得兩食，揀咗用茄子炆鴨，呢味過得去，可能我鐘意食茄子嘅關係，茄子好「林」，入晒啲醬料嘅味，鴨味就無咩，不過佢用嘅鴨架斬件都幾多肉下，（開頭心諗會唔會得啲骨），如果唔講夠的話，食開連鎖快餐店飯盒嘅朋友，咁嘅價錢都真係食得過，可以一試。半打蒸扇貝，有普通嗰啲蒸魚豉油，當然味道唔會差得去邊啦，啲汁撈飯都得，雖然食唔出雪味，不過
片皮鴨 $ 38，2-4人只可以叫半隻，（我最愛，所以就算明白平嘢無好嘅定義，還是要試），啲粉皮用蒸籠裝住上枱，仲熱熱地，不過啲皮都幾厚，仲可以睇到整嘅時候，啲粉漿唔均勻，一達達。有碟甜醬，包嘅配料得一小碟黃瓜條，沒有那些什麼大蔥其他的。片皮鴨上枱，有6-8塊，燒到偏乾，有少少焦黑較深色，不過片得幾薄，唔會「痴」埋啲肥膏，亦唔係片至連肉嗰隻，真係齋薄皮，包黎食都仲係食到幾多油下，有少少鴨騷味。好似加 $ 20有得兩食，揀咗用茄子炆鴨，呢味過得去，可能我鐘意食茄子嘅關係，茄子好「林」，入晒啲醬料嘅味，鴨味就無咩，不過佢用嘅鴨架斬件都幾多肉下，（開頭心諗會唔會得啲骨），如果唔講夠的話，食開連鎖快餐店飯盒嘅朋友，咁嘅價錢都真係食得過，可以一試。
半打蒸扇貝，有普通嗰啲蒸魚豉油，當然味道唔會差得去邊啦，啲汁撈飯都得，雖然食唔出雪味，不過都可以估到係雪藏貨,因為熟晒都仲「痴」住個殼，隻隻都要用力至整得掉（平時自己去街市買新鮮嘅扇貝、帶子、鮑魚返黎蒸，都唔會「痴」到咁實嘅），粒肉嘅大細有十蚊銀同五蚊銀咁大。
Xo醬翠肉瓜炒XX蚌，小炒無鑊氣。無咩Xo醬味，翠肉瓜爽甜,唔記得係咩蚌，粉粉地紅色，偏軟身多啲，輕微少少爽脆，應該係打邊爐嗰啲平價雪藏貨，有啲似魷魚咁，不過係「林」身嘅。
啫啫排骨煲，煲仔上，不過無味香氣。有排骨、豬肝、乾蔥、洋蔥，味道怪怪地，好似有啲血腥味，可能係啲豬肝嘅味掛，排骨整到好似紅糟咁嘅色，唔多討好，唔知係心理作用定係咩，食落有點兒嘔心。
飯後送紅豆沙，好大陣陳皮味。
张贴
